Oseas 7:13 - DIOSPA QHELQACHISQ

¹³ Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Qheshwa Biblia DC

¹³ Ay paykunamanta, noqamanta t'aqakuwasqankurayku! Phirichikonqankuraj contrayta oqharikusqankurayku. Munani paykunata salvayta, jinapis paykunaqa contraypi llullasta parlanku.

DIOSPA QHELQACHISQAN DEUTEROCANONICAL

¹³ Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Oseas 7:13 ပူးပေါင်းရင်းမြစ်များ

Nehemías 1:10

Noqayku israelitakunaqa qanpa kamachiykikuna, aylluykitaj kayku, pikunatachus qan preciota pagaspa jatun atiyniykiwan, kallpaykiwantaj kacharicherqanki, chaykuna.

Job 22:17

Paykuna Diosta nerqanku: Munasqaykuman jina kawsakojta saqellawayku. Tukuy Atiyniyoj Dios noqaykurayku imatataj ruwayta atinman kasqari? nispa.

Salmos 106:10

Ajinata awqankumanta paykunata qhespicherqanki, preciota pagaspataj, chejnikojkunaj makinkumantapis kacharicherqanki.

Isaías 30:1

Tata Dios ajinata nin: Mana kasukoj wawaykunata may llakiy qhatirenqa, imaraykuchus imatapis wakichikunku mana tapuwaspalla. Paykunaqa wajkunawan tratota ruwakunku mana Espirituypa yuyaychasqallan. Chay jinamantataj juchankoj patanman astawan juchata yapakunku.

Isaías 30:2

Usqhay usqhayta Egiptoman rerqanku mana noqata tapuriwaspalla, faraonwan yanapachikunankupaj, Egiptoj ojllayninpitaj waqaychasqa kanankupaj.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 59:13

Kay jinata juchallikorqanchej: Tata Diospa contranpi oqharikorqanchej, payta wasancharqanchej, paymantataj karunchakorqanchej. Chantá runa masinchejta ñak'arichejkunata astawan kallpacharqanchej, kawsaqenta wasanchajkunatataj yanaparqanchej. Sonqonchejpitaj llullakuyta wakicherqanchej, chaytataj parlarqanchej.

Isaías 63:8

Tata Dios nerqa: Paykunaqa noqaj aylluy kanku, mana wasanchaj wawaykuna kanku, nispa. Chayrayku pay kikin paykunata qhespicherqa.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 42:20

Qankuna jatunta pantarqankichej, maypachachus kay jinata niwarqankichej chaypacha: Tata Diosniykimanta noqaykurayku mañaripuwayku, chantá sut'inchawayku imatachus kamachiwasqaykuta, chayman jina ruwanaykupaj, nispa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

Jeremías 7:15

Noqarí qankunata ñawpaqeymanta wijch'usqaykichej, imaynatachus ñawpajpi wawqeykichej Efrainpa mirayninmanta kajkunata wijch'orqani, ajinata, nispa.

Lamentaciones 5:16

Maypaj qhawasqa kayniykupis manaña kanchu. Ay, noqaykumanta imachus kanqapis, imaraykuchus noqaykoqa juchallikorqayku.

Ezequiel 16:23

Noqa Tukuyta Kamachej Tata Dios nillanitaj: Ay, qanmanta imarajchu kanqapis? Tukuy millay imakunata ruwasqaykimanta jawaqa,

Ezequiel 18:2

Israelitakuna, qankunaqa sapa kuti kayta ninkichej: Tatakuna k'allku uvata mikhunku, wawankukunataj kirunkuta khipichikunku, nispa.

Ezequiel 18:25

Qankunarí niwankichej: Tukuyta Kamachej Diospa ruwasqanqa mana cheqanchu, nispa. Israel ayllu, uyariway: Noqaqa manachu cheqanta ruwashani? Aswanpis, manachu qankuna mana allinta ruwaj kankichej?

Ezequiel 34:6

Ovejaykuna tukuy lomakunapi, tukuy orqokunapi chinkasqa purerqanku, tukuynejpi ch'eqerasqa. Chaywanpis mana pipis paykunamanta khuyarikoj karqachu, nitaj mask'amojpis rerqachu.

Oseas 11:12

12 (12.1)Efrainqa llullerionwan umayta q'epichayta munawan. Israelpis q'otiyayta munawan. Judamanta kajkunapis noqa mana wasanchaj Diosmanta t'aqakuwanku, lantikunaman qonqorikunankupaj.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 5:7

Tata Diosta wasancharqanku, wawankukunapis waj tatayoj kanku. Chayrayku, kunanqa uj killallapi jallp'ankupis, paykunapis chinkachisqa kanqanku.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Oseas 7:3

Aylloyqa millay ruwasqankuwan, llullakusqankuwantaj kuraj kamachejta, kurajkunatapis kusirichinku.

Oseas 9:12

Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Oseas 9:17

Kay aylloqa Diosniyta mana kasuyta munarqankuchu. Chayraykumin Diosneyqa paykunata qhesachallanqataj, paykunataj suyukuna ukhupi puriskiri jina purenqanku.

Jonás 1:10

Chayta uyarispa, barcota purichejkuna maytapuni manchachikorqanku, nerqankutaj: Imaraykutaj chayta ruwarqankiri? nispa. Paykuna yacharqanku Jonasqa Tata Diosmanta ayqeshasqanta, imaraykuchus chayta payllataj rimarerqa.

Jonás 1:3

Jonastajrí Diospa nisqanta kasunantaqa, Tata Diosmanta ayqeyta munarqa, jinataj Jatun Mama Qocha kantupi kaj Jope llajtaman urayk'orqa. Chaypi Jonás uj barcota Tarsisman puririshajtaña tarerqa. Pasajeta rantikuspataj, barcoman wicharerqa. Ajinamanta Jonasqa Tata Diosmanta ayqeyta munarqa.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

Miqueas 6:4

Noqa Egiptomanta orqhomorqayki, wata runa kasqaykimantataj kacharicherqayki. Chantá Moisesta, Aaronta, Mariatawan ima pusamusunaykichejpaj kachamorqani.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Deuteronomio 15:15

Ama qonqankichu Egiptopi qanpis wata runallataj kasqaykita, chaymantataj Tata Diosniyki preciota pagaspa kacharichisusqanta. Chayrayku kunan kay kamachisqakunata qoshayki.

1 Juan 1:10

Sitajchus mana juchallikusqanchejta ninchej chayqa, Diosta llullata jina rikhurichinchej. Ajinata ruwaspa, simi nisqanta mana tukuy sonqochu jap'ikusqanchejmanta yachayta qoshanchej.

Apocalipsis 8:13

Chaymantataj noqa janajpi phawashajta uj ankata rikorqani. Chay ankataj sinch'ita qhaparispa, nerqa: Kay pachapi tiyakojkunapaj llakiy, llakiy, ay may jina jatun llakiy kanqa, imaraykuchus kinsa angelkunaraj trompetankuta waqachinanku kashan, nispa.