Oseas 6:7 - DIOSPA QHELQACHISQ

⁷ Chaywanpis aylloyqa Adán jinallataj trato ruwasqayta p'akinku, wasanchawankutaj.

Qheshwa Biblia DC

⁷ Aylloyqa, Adán jinallataj noqawan tratota ruwasqankuta p'akinku, ujwantaj ujwantaj purikapuspa.

DIOSPA QHELQACHISQAN DEUTEROCANONICAL

⁷ Chaywanpis aylloyqa Adán jinallataj trato ruwasqayta p'akinku, wasanchawankutaj.

Oseas 6:7 ပူးပေါင်းရင်းမြစ်များ

Génesis 3:11

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

2 Reyes 17:15

Tata Diospa nisqanta, ñawpa tatankukunawan trato ruwasqanta, tukuy k'amisqantawan ima qhesacharqanku. Qhasi manakaj lantikunata yupaychaspa, manakajman tukorqanku. Paykunaqa muyuyninkupi tiyakojkuna jina kikillantataj ruwarqanku, Tata Dios manapuni chayta ruwanankuta nejtinpis.

Job 31:33

Juchallisqayta mana jayk'aj pakarqanichu, imaynatachus wajkuna ruwanku jinataqa, nitaj sonqollaypi pakarqanichu,

Isaías 24:16

Kay pachaj k'uchunmantapacha takejkunata uyariyku: Cheqan Kaj jatunchasqa kachun, nispa nejta. Noqatajrí nerqani: May llakisqa kashani, sonqoypis llakiywan phatashanña, imaraykuchus tukuy kay pacha wasanchaj runakunawan junt'a kashan.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Isaías 48:8

Arí, chay nisqaytaqa mana jayk'ajpis uyarerqankichejchu, nitaj rejserqankichejchu. Cheqapuni ñawpajtaqa mana uyariyta munajchu kankichej. Noqaqa wasanchanawaykichejta yacharqaniña, imaraykuchus paqarikusqaykichejmantapacha mana kasukoj kankichej.

Jeremías 3:7

Noqa yuyarqani chay tukuy imata ruwaytawan, watej noqaman kutimpunawanta, manataj kutimpuwarqachu. Chay ruwasqanta mana kasukoj ñañan Judapis rikullarqataj.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 34:18

Tata Dios nillantaj: Judamanta kurajkuna, jinataj Jerusalenmanta kajkunapis kamachina wasipi kamachejkunawan khuska, sacerdotekuna, tukuy chaypi tiyakojkunapis ñawpaqeypi uj tratota ruwarqanku: Uj waka uñata ñak'aspa, khuskanninmanta iskayman t'aqarqanku, chantá iskayman t'aqasqa chawpitataj pasarqanku. Chaywanpis trato ruwasqankuta p'akispa, mana junt'arqankuchu.

Jeremías 5:11

Israelitakuna wasanchawanku. Ajinata Tata Dios nin.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Oseas 5:7

Tata Diosta wasancharqanku, wawankukunapis waj tatayoj kanku. Chayrayku, kunanqa uj killallapi jallp'ankupis, paykunapis chinkachisqa kanqanku.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Romanos 5:14

Chaywanpis Adanmanta, Moisés kawsarqa chaykama, tukuy wañorqanku, mana Adán jina Diospa kamachisqanta p'akispa juchallishajtinkupis. Adanrí, pichus jamunan karqa, chaypa rijch'aynillanmin karqa.

Deuteronomio 31:20

Ñawpa tatankuman tiluspa qonayta nerqani, chayman paykunata pusaykusaj. Chay jallp'apeqa lechewan, abeja misk'iwan yaku jina purishan. Chaypi sajsakunankukama mikhuspa wirayanqanku, chantá waj dioskunaj qhepanta rispa, yupaychanqanku. Noqata pisipaj qhawawaspataj, ruwasqay tratota p'akenqanku.

Hebreos 8:9

Kay tratoqa mana ñawpa tatankukunawan ruwasqay trato jinachu kanqa. Chay tratota ruwarqani maypachachus paykunata makinkumanta aysarispa, Egipto suyumanta orqhomorqani chaypacha. Paykunatajrí trato ruwasqayta mana junt'arqankuchu. Chayrayku noqapis paykunata mana rikoj tukorqani, nispa Tukuyta Kamachej Dios nin.