Oseas 6:5 - DIOSPA QHELQACHISQ

⁵ Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Qheshwa Biblia DC

⁵ Chayrayku profetasniynejta chhika chhikanta t'unata ruwarpaykichej, willayta apachimusqaywantaj wañucherqaykichej. Cheqan justiciaytaj uj k'anchay jina llojsimun.

DIOSPA QHELQACHISQAN DEUTEROCANONICAL

⁵ Chayrayku noqamanta sut'inchajkunanejta mitharparerqaykichej, parlasqaywantaj wañucherqaykichej. Justiciaytaj k'anchay jina sut'ipuni karqa.

Oseas 6:5 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

1 Reyes 14:6

Punkuta warmi yaykumushajtin, thaskisqanta uyarispa, Ajías nerqa: Jeroboanpa warmin, yaykumuy. Imaraykutaj uj jinaman tukuspa jamunkiri? Jatun llakiyta willasunayta Tata Dios niwan.

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:17

Ajabqa Eliasta rikuytawan, nerqa: Kaypi kasqankeqa. Qanrayku Israel suyoqa sinch'i llakiypi kashan, nispa.

1 Reyes 19:17

Pichus Jazaelpa wañuchinanmanta ayqekojtaqa Jehú wañuchenqa, Jehúj wañuchinanmanta ayqekojtataj Eliseo wañuchenqa.

2 Reyes 1:16

Kuraj kamachejpaman chayaspataj, Elías payta nerqa: Tata Dios ajinata nisunki: Qanqa Ecrón llajtayojkunaj diosnin Baal Zebubta tapumojta kacharqanki, manapis Israel suyupi Dios kanmanchu karqa jina. Chayrayku kunanqa mana qhaliyankichu, wañupunkipuni, nispa.

2 Crónicas 21:12

Chaypacha Diosmanta sut'inchaj Elías uj cartata Joranman qhelqaspa, kay jinata nerqa: Ñawpa tatayki Davidpa Tata Diosnin nisunki: Qanqa mana tatayki Josafat jinachu ruwanki, manataj Judá kuraj kamachej Asa jinapischu.

Job 15:30

Wañuymanta mana ayqeyta atenqachu. Imaynatachus sach'aj ijisqanta nina q'asparparin, jinallatataj paypis rupharparenqa. T'ikantapis wayra apakaponqa.

Job 34:10

Qankuna yachayniyojkuna uyariwaychej: Tukuy Atiyniyoj Diosqa manapuni mana allin kajta ruwanmanchu.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Salmos 37:6

Chantá payqa cheqan kayniykita, justiciata ruwasqaykitawan ima k'ancharichenqa, imaynatachus chawpi p'unchaypi inti k'anchan, ajinata.

Isaías 11:4

Manachayqa cheqan kajman jina wajchakunata juzganqa, kay pachapi llamp'u sonqoyojkunapajtaj justiciata ruwanqa. Kay pachataqa simi nisqallanwan varawan jina jasut'enqa, samayninwantaj millay ruwajkunata wañuchenqa.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 1:18

Kunan p'unchay noqa qanta churayki may sinch'i jark'achasqa llajtata jina. Fierromanta ruwasqa sayantata jina, broncemanta ruwasqa perqata jina churallaykitaj, tukuy Judá suyoj contranpi sayaykunaykipaj. Jinallataj kuraj kamachejninpata, kurajninkunajta, sacerdotenkunajta contrankupi sayaykullankitaj. Jinallataj tukuy runaj contranpi churanakunaykipaj churallaykitaj.

Jeremías 13:13

Qantaj kutichinki: Tata Dios nillantaj: Kay suyupi tukuy tiyakojkunata machaykuchisaj: Davidpa kamachinan tiyanapi tiyashanku, chay kuraj kamachejkunata, sacerdotekunata, noqamanta sut'inchajkunata, jinallataj Jerusalenpi tukuy tiyakojkunatapis.

Jeremías 23:29

Nisqayqa nina jinamin, rumita t'unaj combo jinataj. Ajinata noqa Tata Dios nini.

Jeremías 5:14

Chayrayku Tukuy Atiyniyoj Tata Diosqa Jeremiasta nerqa: Chayta paykuna nisqankurayku noqa simiykiman nisqayta churasaj, chay nisqaytaj paykunata llant'ata jina ruphaykonqa, nispa.

Ezequiel 11:4

Chayrayku runaj churin, sutiypi paykunaj contranpi sut'inchay, nispa.

Ezequiel 3:9

Diamante sutiyoj rumita jina sinch'i kanaykipaj ruwasqayki, chhanka rumimantapis aswan chukitaraj. Ama paykunata manchachikuychu, ni phiña uya qhawasojtinkupis, aswan millay mana kasukoj kajtinkupis, nispa.

Ezequiel 32:18

Runaj churin, Egiptopi tiyakoj may ashkha runakunapaj kay llakiy yarawita takipuy: Ukhu pachaman Egiptota tanqaykuy, atiyniyoj suyukunapi kaj warmikunatawan khuska, maymanchus wañojkuna rinku, chayman.

Ezequiel 43:3

Chantá mosqoypi jina rikusqayqa, ñawpajta rikorqani, ajinallataj karqa, maypachachus Tata Dios Jerusalenta phiriykoj jamusharqa, chantá Quebar mayu kantupi mosqoypi jina rikorqani, chaypacha. Chayta rikuspataj, pampakama k'umuykorqani.

Sofonías 3:5

Chay tukuywanpis Tata Dios chay llajtawan kashan, paytaj cheqan kajtapuni ruwan manataj sajra kajtaqa. Sapa paqarin pay justiciata ruwan. Chay millay runakunarí mana p'enqakuyta yachankuchu.

Hechos 7:31

Moisés chayta rikuspa, t'ukorqa. Imachus kasqanta allinta yachananpaj ninaman qayllaykushajtintaj, Diospa parlamusqanta uyarerqa:

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Efesios 6:17

Jinallataj qhespichisqa kasqaykichejta monterata jina umaykichejman churakuychej. Chantá Santo Espíritoj espadantapis oqhariychej, chayqa Diospa simi nisqan.

Hebreos 4:12

Diospa simi nisqanqa kawsayniyoj, atiyniyojtaj, puraj filoyoj espadamantapis aswan filochasqa. Ajinaqa Diospa simi nisqan runaj sonqon ukhukamapuni chayan. Jinallataj runaj yuyasqanta, sonqonpi imatachus munasqantapis sut'ita sut'inchan, allinchus manachus kasqanta.

Apocalipsis 1:16

Jinallataj paña makinpi qanchis ch'askata jap'isharqa, siminmantataj puraj ladon filochasqa espada jina llojsimusharqa. Uyanpis manchayta lliphipisharqa, chawpi p'unchayta imaynatachus inti sinch'ita k'anchan, ajinata.

Apocalipsis 2:16

Chayrayku watej noqaman kutirikamuy, manachayqa usqhayllata qanman jamuspa, simi nisqaywan paykunaj contrankuta maqanakusaj.

Apocalipsis 9:15

Jinataj chay tawa angelkunata phaskaraspa kacharerqa, runakuna kinsaman t'aqasqamanta ujnin kaj t'aqata wañurachinankupaj. Chay angelkunaqa chay phanipaj, chay p'unchaypaj, chay killapaj, chay watapaj runata wañuchinankupaj wakichisqa karqanku.

Apocalipsis 9:21

Chay runakuna manallataj saqerqankuchu runa wañuchiyta, layqanakuta, khuchichakuyta, suwanata ima, Diosman kutirikunankupaj.

1 Samuel 13:13

Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

1 Samuel 15:32

Chaymanta Samuel kamacherqa: Amalec suyoj kuraj kamachejnin Agagta kayman pusamuway, nispa. Agagtaj may kusisqa Samuelpa ñawpaqenman jamorqa, manaña wañuchisqa kananta yuyaspa.

1 Samuel 15:33

Samueltajrí Agagta nerqa: Qanqa ashkha warmita mana wawayojta saqerqanki. Kunanqa ajinallataj mamaykipis qhepakonqa, nispa. Chayta niytawantaj, Samuelqa Tata Diospa ñawpaqenpi kuraj kamachej Agagta wañuchispa, Gilgal llajtapi chhikan chhikanta khuchurarqa.