Oseas 6:3 - DIOSPA QHELQACHISQ

³ Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Qheshwa Biblia DC

³ Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

DIOSPA QHELQACHISQAN DEUTEROCANONICAL

³ Tata Diosta rejsinapaj kallpakunachej. Payqa noqanchejman jamonqapuni, imaynatachus inti sapa p'unchay llojsimunpuni, ajinata, chayrí imaynatachus paray tiempo chayamojtin paraqa jallp'ata qarpanpuni, ajinata.

Oseas 6:3 ပူးပေါင်းရင်းမြစ်များ

2 Samuel 23:4

payqa sut'iyaymanta llojsimoj inti jina, mana phuyusqa p'unchaypi inti k'anchaynin jinataj, qhorata wiñachej para jina kanqa, nispa.

Job 29:23

Paykunaqa imatachus parlanayta imata jina suyaj kanku, imaynatachus q'oñi tiempopi parananta runakuna suyanku, ajinata.

Salmos 19:4

4 (5) Chaywanpis willasqanqa tukuy kay pachapi yachakun, kay pachaj k'uchunkamataj chayan. Chaypi Dios intej wasinta churarqa.

Salmos 19:6

6 (7) Inteqa janajpa ujnin kantunmanta llojsimuspa, ujnin kantunman chayanankama muyuykun. Manataj imapis k'ajayninmanta pakakuyta atinchu.

Salmos 63:8

8 (9) Almayqa qanman ujchasqa, paña makiykitaj mana kachariwanchu.

Salmos 65:9

9 (10) Qanqa kay pachamanta qhawanki, parachimuspataj, may jinata chajrata poqochinki. Mayuykita ashkha yakuwan junt'achinki, chajra ashkhata poqonanpaj. Ajinata tarpunapaj jallp'ata wakichinki.

Salmos 72:6

Kuraj kamachejqa qhorata qarpaj para jina kachun, jallp'ata qarpaj chhulla jinallataj.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 32:15

Chayqa ajina kanqa, Diospa Espíritun patamanta noqanchejman kachamusqa kanankama. Chaypacha ch'innejkuna chajra llank'anaman tukonqa. Sumajta chajra poqonan jallp'akunataj may chhika poqoyniyoj kanqanku.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Oseas 10:12

Paykunata nerqani: Cheqan kaj ruwayta tarpuychej, munakuytataj oqharinkichej. Barbechota ruwaychej, imaraykuchus Tata Diosta mask'ana p'unchay chayamunña. Pay jamuspa qhespichisonqachej, chaytaj ch'aki jallp'apaj para jina kanqa.

Oseas 14:5

Israelpaj noqa chhulla jina kasaj, paytaj lirio t'ika jina phancharenqa. Saphintaj Libanopi pino sach'aj saphin jina allin saphichasqa kanqa.

Oseas 14:6

Thansankunapis olivo sach'a jina k'achitu kanqa, q'apaynintaj Libanopi pinoj q'apaynin jina kanqa.

Oseas 2:20

20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Miqueas 4:2

May chhika runa tukuynejmanta jamuspa, nenqanku: Jamuychej, Tata Diospa orqonman wicharinachej, Jacobpa Diosninpa Templonman rinachej. Chaypi pay munasqanman jina kawsayta yachachiwasunchej, noqanchejtaj paypa ñanninpi purisunchej, imaraykuchus Tata Diospa yachachisqan Sionmanta jamonqa, Jerusalenmantataj Tata Dios parlamonqa.

Miqueas 5:2

2 (1) Qantajrí Efratamanta Belén llajta, Judá jap'iypi kaj llajtakunamanta aswan juch'uy kanki. Chaywanpis qanmantamin Israelta kamachej llojsenqa. Paypa miraynenqa wiñay wiñaymantaña.

Miqueas 5:7

7 (6) Chaypacha Jacobpa ayllunmanta puchojkuna waj suyukunaj chawpinkupi kanqanku, Tata Diospa apachimusqan chhulla jina, chayrí imaynatachus qhora pataman paran, ajina. Parawan, chhullawan chayamun mana runaj munasqanman jinachu.

Zacarías 10:1

Tata Diosmanta mañakuychej ñawpaj parata, lliuj lliujkunata ruwaj Tata Diostaj ashkhata parachimusonqachej. Campopipis tukuypaj qhorakunata wiñachipusonqachej.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Mateo 13:11

Jesustaj kuticherqa: Imachus kanqa Dios kamachishajtin, chay pakasqa yachayta pay qankunaman rejsichisunkichej, manataj paykunamanqa.

San Lucas 1:78

Diosninchejqa jatun khuyakuyninrayku patamantapacha qhespichejta kachamuwanchej sut'iyaypi inti llojsimoj jina k'anchanawanchejpaj.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 7:17

Pichus Diospa munasqanta ruwayta munajqa, yachachisqay Diosmantachus, chayrí noqallamantachus kasqanta yachanqa.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

Deuteronomio 32:2

Yachachisqayqa para jina jich'akamonqa. Yuyasqayqa chhillchi jina urmamonqa, qhora patapi chhulla jina kanqa, ch'iki patapitaj yaku sut'oj jina.

Hebreos 3:14

Noqanchej Cristowan khuska chayaqeta jap'inanchejpaj churasqa kanchej, sichus Diospi atinikusqanchejpi qallariymanta tukukuykama sinch'ita sayasunchej chayqa.

2 Pedro 1:19

Chayta uyarispa, noqayku repararqayku Diosmanta sut'inchajkunaj willasqanku jinapuni kasqanta. Qankunataj chay nisqankuta kasuta ruwaspa, allinta ruwankichej. Chay nisqankoqa laqhapi lámpara jina k'ancharin. Jinallataj k'anchanqapuni, sut'iyay ch'aska llojsimuspa, sonqoykichejpi k'anchanankama.

Apocalipsis 22:16

Noqa Jesusqa chaykunata iglesiakunaman willananpaj angelniyta kachamorqani. Noqa Davidpa mirayninmanta kaj kani, sut'iyamuyta lliphipej ch'askataj.