Oseas 6:1 - DIOSPA QHELQACHISQ

¹ Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Qheshwa Biblia DC

¹ Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

DIOSPA QHELQACHISQAN DEUTEROCANONICAL

¹ Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Oseas 6:1 ပူးပေါင်းရင်းမြစ်များ

2 Crónicas 30:6

Ajinata willajkunaqa tukuy Israel suyuman, Judá suyumanpis rerqanku, kuraj kamachej, jinataj yanapajninkunaj carta ruwasqankuta apaspa. Kuraj kamachejpa kamachisqan ajina karqa: Israelitakuna, noqallanchej Asiriaj kuraj kamachejninpa runa apasqanmanta qhepakojkuna kanchej. Chayrayku kunan noqanchej Abrahampa, Isaacpa, Israelpa Tata Diosninman kutiripunachej, paytaj noqanchejman kutirimuwasunchej.

Job 16:9

Tata Diosqa qhatiykachawaspa, mithawan, león jina contrayta khamurarikun. Awqaypis kanman jina ñawinwan oqoykuwan.

Job 22:23

Sichus k'umuykuspa Tukuy Atiyniyoj Diosman kutirikunki chayqa, pay aysarisonqa. Ajinata ruwaspataj, wasiykimanta llakiykunata karunchanki.

Job 34:29

Chaywanpis, sichus Dios ch'inlla kakun chayqa, pitaj payta juchachayta atinmanri? Sichus uyanta pakan chayqa, pitaj rikuyta atinmanri? Payqa tukuy suyuta qhawashan, jinallataj sapa uj runatapis.

Job 5:18

Sichus pay runaj ukhunta nanaykuchin chayqa, payllataj jampenqa. Sichus runata onqochin chayqa, payllataj thañichenqa.

Salmos 30:7

7 (8) Tata Dios, qanmin k'acha khuyakuyniykiwan mana kuyuriyta atej orqota jina ruwawarqanki. Noqamanta karunchakojtiykitajrí, manchachikuy uma muyusqata ruwawarqa.

Salmos 6:2

2 (3) Tata Dios, noqamanta khuyarikuway, imaraykuchus kallpay pisiyashan. Onqoyniymanta qhaliyachiway, Tata Dios, imaraykuchus tukuy ukhuy kharkatitishan.

Salmos 71:20

Ashkha llakiykunata, mana allin kajtapis ñak'arinayta munarqanki chaypis, watej kawsachillawankitaj. Jallp'aj sonqonmantapachapis ujtawan sayarichillawankitaj.

Eclesiastés 3:3

Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Isaías 17:7

Chay p'unchaypi runakuna yanapananta mask'aspa, Ruwajninkuman kutirenqanku. Kikin ñawinkuwan Israelpa May Llimphu Kaj Diosninta qhawanqanku.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 30:22

Chantá qhesachankichej qolqe metalmanta ruwasqa lantiykichejta, jinallataj qoriwan lluch'isqa lantiykichejtapis. Qankunaqa chaykunata millay ch'ichi thantata jina qhawankichej, ninkichejtaj: Llojsiychej kaymanta, nispa.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 30:12

Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Jeremías 30:17

Noqataj tukuy k'irisqa kasqaykichejta jampiykusaj, ajinamantataj nanasqaykikunata thañichisaj, imaraykuchus awqaykichejkuna qanmanta ninku: Sionqa saqerparisqa, manataj pipis paymanta yuyarikunchu, nispa. Noqa Tata Diosmin chayta nini.

Jeremías 33:5

Qankunaqa caldeo soldadokunawan maqanakuyta munashankichej. Jinapis Jerusalenmanta runakuna wañuchisqa jinaña kashanku, imaraykuchus sinch'i phiñakuyniypi paykunata wañuchinayta nerqaniña. Millayta ruwasqankurayku noqa paykunata saqerparerqani.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Jeremías 50:5

Sión orqoman rina ñanmanta tapukonqanku, chaymantataj nenqanku: Jakuchej, Tata Dioswan wiñay mana jayk'aj qonqana tratota ruwasunchej, nispa.

Lamentaciones 3:11

Ñanniyta pantachiwan, mitharpariwantaj. Manchachikuywan kharkatishajta saqewan.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Oseas 12:6

6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Levítico 14:48

Sichus sacerdote ujtawan wasita qhawaj rispa rikunman llut'asqankumanta qhepaman qorwariyay sayasqanta chayqa, sacerdote nenqa chay wasi llimphuña kasqanta, chay qorwariyay chinkapusqanrayku.

Sofonías 2:1

Tukuyniykichej tantaykukuychej, mana p'enqakuyniyoj runakuna,

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

1 Samuel 2:6

Tata Diosmin kawsaytaqa qhechun, payllataj kawsayta qon. Pay wañusqakunatawan khuska churawanchej, payllataj chaymanta kawsarichiwanchej.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.