Oseas 5:9 - DIOSPA QHELQACHISQ

⁹ Ñak'ariy p'unchay chayamojtin, Efraín thuñichisqa kanqa. Israel jatun ayllukunaman jinapuni kananta willani, nispa.

Qheshwa Biblia DC

⁹ Efraenqa q'ala pampachasqa kanqa jasut'i p'unchay chayamojtenqa. Chayta rejsichini Israel ayllukuna ukhupi, kay tukuy imasqa cheqamanta qhatirenqanku.

DIOSPA QHELQACHISQAN DEUTEROCANONICAL

⁹ Ñak'ariy p'unchay chayamojtin, Efraín thuñichisqa kanqa. Israel jatun ayllukunaman jinapuni kananta willani, nispa.

Oseas 5:9 ပူးပေါင်းရင်းမြစ်များ

Job 12:14

Diospa thuñisqantaqa ni pipis watej sayarichiyta atinchu. Sichus Dios pitapis jap'in chayqa, mana pipis kacharichiyta atinchu.

Isaías 37:3

Chayaspataj, Isaiasman willarqanku: Kay jinata nin kuraj kamachej Ezequías: Kunan p'unchay may llakiypi kashanchej, turiyasqa, k'umuykachachisqataj. Imaynachus wijsallisqa warmi paqarichikunanpachapi mana kallpayoj llawch'ipacha kashan, ajinata rikhurinchej.

Isaías 46:10

Noqaqa qallariymantapacha qhepaman imachus kananmanta willani. Noqa unaymantapacha willani, manaraj imapis kashajtin. Nini: Noqaj wakichisqayqa junt'akonqapuni. Imatachá munasqayta ruwasaj, nispa.

Isaías 48:3

Imachus qhatirisunanta ñawpajmantaña willarqaykichej. Jinaqa mana yuyasqallamanta ruwaj churakorqani. Tukuy imatachus nisqaytaj junt'akorqapuni.

Isaías 48:5

Unaymantaña noqa willarqaykichej. Manaraj chay kashajtin, noqa chayta willarqaykichejña, ama ninaykichejpaj: Kayqa lantiypa ruwasqanmin. K'ullumanta ruwasqay lanti, chantá fierromanta ruwasqa diosniy kay tukuyta kamachin, nispa.

Isaías 7:16

Chantá wawa manaraj yuyayninman chayashajtin, pikunatachus manchachikushanki, chay iskay kuraj kamachejkunaj suyunkukunaqa ch'innejman tukuchisqa kanqanku.

Oseas 5:12

Chayrayku Efrainpaj noqa thuta jina kasaj, Judá jatun ayllupajtaj tullu ismuy jina.

Oseas 5:14

Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Oseas 7:12

Chaywanpis jaqayman rishajtinku, noqa Tata Dios ch'ipayta patankuman wijch'uykusaj, p'isqokuna jinatataj jap'irasaj. Ajinata paykunata juchankumanta jasut'isaj.

Oseas 8:8

Waj suyukuna Israelta oqokaponqanku, chay suyukunapitaj Israel lajrasqa t'uru manka jina ni imapaj walej kanqa.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Amós 3:7

Tata Dios manamin imatapis ruwanchu, manaraj ñawpajta paymanta sut'inchajkunaman willaspaqa.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Miqueas 6:13

Chayrayku jasut'isqayki, juchallisqaykiraykutaj q'ara pampaman tukuchisqayki.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

San Juan 16:4

Kaykunata niykichej, imachus kanan kashan chay pasajtin, kay nisqaymanta yuyarikunaykichejpaj. Qallariypi kayta mana nerqaykichejchu, imaraykuchus qankunawanraj kasharqani.