Oseas 5:6 - DIOSPA QHELQACHISQ

⁶ Uj p'unchay ovejankumanta, wakankumanta jaywanapaj aparisqa Tata Diosta mask'anqanku chaypis, manapuni tarenqankuchu, imaraykuchus paykunamanta karunchakunña.

Qheshwa Biblia DC

⁶ Ovejasnintin wakasnintin Señorta mask'aj renqanku, manataj tarenqankuchu, imaraykuchus Señorqa paykunamanta t'aqakaporqa.

DIOSPA QHELQACHISQAN DEUTEROCANONICAL

⁶ Uj p'unchay ovejankumanta, wakankumanta jaywanapaj aparisqa Tata Diosta mask'anqanku chaypis, manapuni tarenqankuchu, imaraykuchus paykunamanta karunchakunña.

Oseas 5:6 ပူးပေါင်းရင်းမြစ်များ

Éxodo 10:9

Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Proverbios 1:28

Chay p'unchaypi, qankuna wajyakuwankichej, manataj uyarisqaykichejchu. Mask'awankichej, manataj tariwankichejchu,

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

TAKIYKUNA 5:6

Parlasqanta uyarejtiy, wañuy wañuy jap'iwarqa. Punkuta kicharerqani. Chaywanpis munasqayqa ripusqaña, mask'arqani nitaj tarikaporqanichu. Manaña chaypichu kashasqa. Wajyajtiypis, mana uyariwarqachu.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 11:14

Ajinaqa Jeremías, ama kay runakunarayku imatapis mañawaychu, ama majakuwaychu nitaj qhaparimuwaychu, imaraykuchus ñak'ariypi rikukuspa qhaparikamuwajtinkupis, mana uyarisajchu.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.

Lamentaciones 3:44

Qanqa phuyuwan pakaykukunki, mañakususqaykuta mana uyarinawaykupaj.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Ezequiel 8:6

Chantá runaman rijch'akoj niwarqa: Runaj churin, rikunkichu israelitakunaj millay ruwasqankuta, mayqenkunatachus ruwashanku ajllakusqay Templomanta karunchachinawankupaj, chaykunata? Chaywanpis chaymanta astawan millaytaraj rikunki, nispa.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Amós 8:12

Runakuna tukuynejta thamaykachanqanku Tata Diospa nisqanta mask'aspa. Renqanku uj mama qochamanta uj mama qochaman, wichaynejmantataj inti llojsimuynejman. Chaywanpis manapuni nisqayta tarenqankuchu.

Miqueas 3:4

Chaywanpis uj p'unchay qankuna Tata Diosta qhaparikunkichej, paytajrí mana uyarisonqachejchu. Chaypacha qankunamanta pay pakakonqa, millayta ruwasqaykichejrayku.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

San Lucas 5:16

Jesustajrí ch'innejman rerqa, Dioswan parlarikunanpaj.

San Juan 7:34

Qankuna mask'awankichej, manataj tariwankichejchu, imaraykuchus maypichus kasaj, chayman qankuna mana jamuyta atinkichejchu, nispa.