Oseas 5:5 - DIOSPA QHELQACHISQ

⁵ Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Qheshwa Biblia DC

⁵ Israelpa runay kachasqanqa uyallanmantaj laq'akamun; Efraintaj kikin juchallampitaj misk'akun, Judapis paykunawan kuskallataj misk'anqa!

DIOSPA QHELQACHISQAN DEUTEROCANONICAL

⁵ Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Oseas 5:5 ပူးပေါင်းရင်းမြစ်များ

Proverbios 11:21

Millayta ruwaj runaqa jasut'isqapuni kanqa, cheqanta ruwajkunarí ima llakiymantapis kacharichisqa kanqanku.

Proverbios 11:5

Cheqanta ruwanaqa cheqan runaj ñanninta cheqanchan. Millayta ruwaj runarí mana allinta ruwasqallanpitaj urmanqa.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Proverbios 24:16

Cheqan runaqa qanchis kutita urmanqa chaypis, payqa qanchis kutillatataj sayarikun. Mana allinta ruwaj runakunarí jatun llakiypi urmaspa, manaña ujtawan sayarenqankuchu.

Proverbios 30:13

Wakenqa may kasqankuta yuyakunku, runa masinkutataj pisipaj qhawanku.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 3:9

Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Isaías 44:9

Lantikunata ruwajkuna qhasi manakaj kanku, may jina munasqa ruwasqankupis qhasi manakajlla. Chaykunata yupaychajkunaqa ñawsa kanku, nitaj imatapis yachankuchu. Chayrayku p'enqachisqa kanqanku.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Oseas 4:5

Qankunaqa sut'i p'unchaypi urmankichej, tutantaj noqamanta sut'inchajkunapis qankunawan khuska urmallanqankutaj. Mamaykichejtapis chinkarparichisaj.

Oseas 5:14

Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Oseas 7:10

Israelpa runaykachasqanqa paykunaj contranpi juchachan. Chaywanpis mana noqa Tata Diosman kutirikamuwankuchu, nitaj mask'awankuchu.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Amós 5:2

Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

San Mateo 23:31

Ajinata nisqaykichejwanqa qankunallataj contraykichejta parlankichej, Diosmanta sut'inchajkunata wañuchejkunaj wawankuna kasqaykichejta.

San Lucas 19:22

Chantá kuraj kamachej nisqa: Qanqa mana allin kamachi kanki, jinataj nisqaykiwan qanllataj juchachakushanki. Sichus yacharqanki rumi sonqo kasqayta, mana noqaj kajta jap'ikapusqayta, mana tarpusqay kajta oqharisqayta ima chayqa,