Oseas 5:4 - DIOSPA QHELQACHISQ

⁴ Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Qheshwa Biblia DC

⁴ Runaspa tukuy millay ruwasqasninku mana saqenchu Diosman kutirikojta. Qhenchachakuyllawan atipasqas kaspa Señortapis mana rejsiyta atinkuchu.

DIOSPA QHELQACHISQAN DEUTEROCANONICAL

⁴ Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Oseas 5:4 ပူးပေါင်းရင်းမြစ်များ

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 50:38

Yakuyoj mayunkupis ch'akipuchun, imaraykuchus Babiloniaqa millay lantikunayoj suyumin, chay lantikunaraykutaj yuyayninta chinkachikun.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Oseas 13:13

Israelpaj paqarikunan tiempo chayamun, imaynatachus warmita paqarikunan p'unchay chayamojtin nanay jap'in, ajinata. Paykuna wawa jina mana cheqanchakunkuchu paqarinankupaj, mana paqariyta munasqankurayku.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 4:11

Sajra purikoj warmiwan purina, vinowan machana imaqa yuyayta chinkachin.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 4:14

Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Oseas 8:11

imaraykuchus Efrainqa may chhika altarkunata ruwakorqa, chaykunataj juchallinallanpaj karqa.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.