Oseas 5:14 - DIOSPA QHELQACHISQ

¹⁴ Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Qheshwa Biblia DC

¹⁴ Imaynatachus uj león oqoykunampaj phawaykun, ajinata noqapis Efrainta Judatawan ruwasaj; noqa kikiy t'unarpariytawankama ripusaj; jap'ejtiykamaqa ni pipis qhechuyta atiwanqachu.

DIOSPA QHELQACHISQAN DEUTEROCANONICAL

¹⁴ Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Oseas 5:14 ပူးပေါင်းရင်းမြစ်များ

Job 10:16

Sichus umayta oqharini chayqa, qanqa león jina qhatiykachawanki, chinkachinawaykiraykutaj t'ukunata ruwanki.

Job 10:7

Qan allinta yachanki noqaqa mana juchayojchu kasqayta, yachallankitaj qanpa atiyniykimanta ni pipis kacharichiwayta atisqanta.

Salmos 50:22

Qankuna, pikunachus noqata qonqapojkuna, kayta allinta yachaychej: Pajtataj noqa qankunata t'isarpariykichejman, manataj pipis kacharichiyta atisonqachejchu.

Salmos 7:2

2 (3) Ama saqeychu león jina mitharanawankuta, nitaj tulluytapis p'akiykunawankuta mana pipis jark'akuwaj kasqanrayku.

Isaías 5:29

Paykunaqa león jina qhaparinku, imaynatachus malta león aychaman ch'ipaykukuspa qhaparin, ajinata. Chay aychata apashajtinpis, ni pi qhechuyta atinchu.

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Lamentaciones 3:10

Tata Dios noqapajqa mithanawanpaj jukumari jina kashan, pakaymanta wateqaj león jinataj.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 2:12

12 (14) Uva sach'anta, higo sach'antapis chaqorachisaj, mayqenmantachus pay nirej: Kaykunataqa waynaykuna qowarqanku, nispa, chayta. Aswanpis chay tukuyta ch'umiman tukuchisaj, k'ita animalkuna mikhukapunankupaj.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Amós 2:14

Sinch'ita t'ijurejqa mana ayqeyta atenqachu. Kallpasapatapis kallpanqa mana yanapanqachu. Aswan wapu kajpis wañunanmanta mana llusp'enqachu.

Miqueas 5:8

8 (7) Chaypacha Jacobpa ayllunmanta puchojkunaqa ashkha suyukunaj chawpinkupi kanqanku, imaynatachus león k'ita animalkuna ukhupi purin, ajinata. Imaynatachus uña león ovejakunaj chawpinkuta pasaj jinalla t'ajllaspa wañurachin, manataj ujtapis saqenchu, ajina Jacobpa ayllunmanta puchojkuna kanqanku waj suyukuna ukhupi.

Deuteronomio 28:31

Wakaykitapis qhawashajtiyki ñak'anqanku, nitaj aychanta mikhunkichu. Burroykitapis qhawashajtiyki, wajkuna apakaponqanku, nitaj kutichimpusonqankuchu. Ovejaykita awqaykikuna jap'ispa, apakaponqanku, nitaj pipis qhechukapunaykipaj yanapasonqachu.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.