Oseas 5:13 - DIOSPA QHELQACHISQ

¹³ Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Qheshwa Biblia DC

¹³ Efraín onqosqa kasqanta rikuspa, Judataj nanachikusqasninta rikukuspa, Efraenqa Asiriaman renqa jatun reypa yanapanta mañakoj, reytaj mana sanoyachiyta atenqachu, nitaj nanasqasnintapi jampiykuyta atenqachu.

DIOSPA QHELQACHISQAN DEUTEROCANONICAL

¹³ Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 5:13 ပူးပေါင်းရင်းမြစ်များ

2 Reyes 15:19

Chaypachataj Asiria suyuta kuraj kamachej Pul sutiyojqa Israel suyuman yaykuykorqa. Israel suyuta kuraj kamachej Menajentaj Pulman 33.000 kilo qolqe metalta apacherqa, kuraj kamachej jina kamachiyninta sumajta sayachiyta yanapananpaj.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Reyes 16:7

Chantá Ajazqa Asiria suyuta kuraj kamachej Tiglat Pileserman kachakunata kachaspa, nicherqa: Noqaqa ñawpaqeykipi k'umuykukuni, churiyki jinataj kani. Chayrayku jamuspa, Siria suyuta kuraj kamachejpa makinmanta, chantá Israel suyuta kuraj kamachejpa makinmantawan kacharichikunaypaj yanapariway, imaraykuchus paykunaqa noqawan maqanakoj jamushanku, nispa.

Isaías 3:7

Wawqentajrí kutichenqa: Mana noqaqa kay tukuyta allinchayta atiymanchu. Wasiypeqa mana mikhuna nitaj p'achapis kanchu, chayrayku ama kamachejmanta churawaychejchu, nispa.

Jeremías 30:12

Tata Dios nillantaj: K'irisqa kasqaykichejqa mana jampiy atina, onqoyniykichejpajpis mana jampi kanchu.

Ezequiel 23:5

Aholaqa noqawan kashaspa, wasanchawarqa, maytapunitaj qayllanpi tiyakoj asiriokunaman wayllukorqa.

Oseas 10:6

Torillo lanteqa Asiriaman apasqa kanqa, kuraj kamachejman t'inkata jina jaywanankupaj. Jinamanta Efrainqa p'enqachisqa rikhurenqa. Israelpis lantinmanta p'enqakonqa.

Oseas 12:1

1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Oseas 2:7

7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Oseas 8:9

Efrainqa sapan purikoj k'ita burro jina yanapata mañakoj Asiriaman risqa, khuchichakunanpajtaj qolqewan waynankunata mink'akusqa.

Miqueas 1:9

Samaria llajtaj k'irisqa kasqanqa mana jampiy atina jina. Judá suyupis k'irisqallatajmin kashan, chaytaj Jerusalén llajtaypa punkunkama chayan.