Oseas 5:1 - DIOSPA QHELQACHISQ

¹ Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Qheshwa Biblia DC

¹ Sacerdotekuna, uyariychej kayta; allinta uyariychej, Israel runakuna; reypa wasimpi kajkunapis uyariychej: Qankunaj contraykichejpimin juicio kanqa, imaraykuchus Mizpapi uj misk'anata churarqankichej uj ch'ipatataj aysarqankichej, Tabor orqo patapi.

DIOSPA QHELQACHISQAN DEUTEROCANONICAL

¹ Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Oseas 5:1 ပူးပေါင်းရင်းမြစ်များ

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 13:18

Kuraj kamachejman, jinataj qoyamanpis kay jinata niy: Kamachinaykichej tiyanakunamanta urayk'uspa, pampapi tiyakuychej, imaraykuchus umaykichejta k'achancharqa, chay pilluykichejqa urmanña, nispa.

Jeremías 46:18

Tukuy Atiyniyoj Tata Dios sutiyoj Tukuyta Kamachejrí nin: Sutiyrayku tiluspa, nini: Tabor orqo jina, tukuy orqokunamanta aswan jatun kaj, Carmelo orqo jinataj mama qocha kantupi may pataman oqharisqa, ajinamin, pichus jamushan, chay awqaqa.

Oseas 10:15

Betelpi tiyakojkuna, chay jinata juchallisqaykichejrayku, ajinallatataj qankunatapis qhatirisonqachej. Sut'iyamushajtintaj, Israelpa kuraj kamachejnin wañuchisqa kanqa.

Oseas 13:8

Jukumari imaynatachus phiñarikun uñanta qhechojtinku, ajinata qankunata mitharparisqaykichej. Chay kikinpi león jina oqoykusqaykichej, k'ita animal jinataj chhikan chhikanta mitharparisqaykichej.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Oseas 9:8

Diosqa paymanta sut'inchajta Efrainta qhawananpaj churasqa, qankunatajrí purinanman tojllata churarqankichej. Diospa Templonpipis payta chejninkichej.

Joel 1:2

Israelita kurajkuna, jinallataj kay suyupi tukuy tiyakojkuna, kayta allinta uyariychej: Qankuna jayk'ajpis kayman rijch'akojta rikorqankichejchu? Tataykichejkuna tiemponkupi kayman rijch'akojta jayk'ajpis rikorqankuchu?

Amós 3:1

Israelitakuna, Tata Diospa nisqanta uyariychej. Egiptomanta orqhomusqan runakunaj contranta ajinata nin:

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Miqueas 3:1

Kunan uyariychej, Israelta kamachejkuna, jinataj kurajkuna: Manachu qankuna yachanaykichej kashan imachus justicia kasqanta?

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Malaquías 2:1

Sacerdotekuna, kay k'ameyqa qankunapaj:

Jueces 4:12

Jinapi Sísara Tabor orqoman Abinoanpa churin Barac wicharisqanta yachaytawankama,

Jueces 4:6

Uj p'unchay Deboraqa wajyacherqa Cedesmanta Abinoanpa churin Baracta, Neftalí jatun ayllumanta. Paymantaj nerqa: Israelpa Tata Diosnin kamachisunki kay jinata: Tabor orqoman rispa, chaypi tantamuy 10.000 maqanakoj runakunata Neftalí jatun ayllumanta, jinataj Zabulón jatun ayllumantawan.

1 Samuel 7:16

Sapa watataj Betelninta, Gilgalninta, jinataj Mispanejta rispa muyurimoj, israelitakuna ukhupi ch'ajwata ch'inyachispa.

1 Samuel 7:5

Chantá Samuel kamacherqa: Tukuy Israel ayllu, Mispá llajtapi tantakuychej, noqataj Tata Diosmanta qankunarayku mañapusqaykichej, nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.