Oseas 4:9 - DIOSPA QHELQACHISQ

⁹ Noqatajrí aylluyta, jinataj sacerdoteykunatapis chay ruwasqankuman jina jasut'isaj.

Qheshwa Biblia DC

⁹ Tukuy aylluta jinataj sacerdotestapis chay ruwasqankuman jina jasut'isaj.

DIOSPA QHELQACHISQAN DEUTEROCANONICAL

⁹ Noqatajrí aylluyta, jinataj sacerdoteykunatapis chay ruwasqankuman jina jasut'isaj.

Oseas 4:9 ပူးပေါင်းရင်းမြစ်များ

Proverbios 11:31

Sichus kay pachapi cheqan runa ruwasqanman jina pagota jap'in chayqa, astawanraj millayta ruwaj runakunawan, juchasapakunawan ima jasut'isqa kanqanku.

Proverbios 12:14

Pichus allinta parlajqa mikhunallayojpuni kanqa, ruwasqanman jinataj t'inkata jap'enqa.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Isaías 24:2

Chay ñak'areyqa tukuypaj kanqa: Tukuy runapaj jinallataj sacerdotekunapajpis, kamachipaj jinallataj patronpajpis, warmi kamachipaj jinallataj patronapajpis, rantikojpaj jinallataj vendejpajpis, qolqeta manojpaj jinallataj manukojpajpis, interesniyojta manojpaj jinallataj manukojpajpis.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Ezequiel 44:10

Israel ayllu noqamanta karunchakuspa lantinkunata yupaychajtinku, paykunawan khuska levitakunamanta juchallejkunaqa juchankumanta paganqanku.

Ezequiel 44:12

Chaywanpis paykuna israelitakunata lantita yupaychanaman tanqasqankurayku, noqa tiluspa nini paykuna juchankumanta jasut'isqa kanankuta. Noqa Tukuyta Kamachej Tata Diosmin chayta nini.

Oseas 1:4

Chantá Tata Diosqa Oseasta nerqa: Chay wawata Jezrel sutiwan sutichay, imaraykuchus mana unaymantachu kuraj kamachej Jehúj ayllunta jasut'isaj Jezrelpi runakunata wañurachisqanmanta. Jinamantataj Israelta wajpa makinman jaywaykusaj.

Oseas 10:10

Maypachachus munasaj, chaypachaqa paykunata jasut'isaj. Ashkha suyukunataj contranpi tantaykukonqanku, maypachachus millay ruwasqanmanta paykunata jasut'isaj, chaypacha.

Oseas 12:2

2 (3) Tata Diosqa Israelwan quejaman yaykun. Jacobpa ayllunta mana allin kajta ruwasqankuman jina jasut'enqa, chantá ruwasqanman jinataj pagaponqa.

Oseas 12:3

3 (4) Jacobqa manaraj paqarishaspa, wawqenpa chakinmanta jap'iykukorqa, runayaspañataj Dioswan maqanakorqa.

Oseas 7:2

Paykuna mana reparankuchu tukuy sajra ruwasqankuta mana qonqasqayta. Millayta ruwasqankoqa paykunata muyuykun, chay tukuytataj noqa rikushallanipuni.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Oseas 9:15

Tata Dios nin: Israelitakunaqa Gilgalpi tukuy imaymana mana allin kajta ruwarqanku, chaymantapachataj paykunata chejnikuyta qallarerqani. Millay sajrata ruwasqankuraykutaj wasiymanta paykunata wijch'usaj. Manaña paykunata munakusajñachu, imaraykuchus tukuy kurajninkukuna contraypi oqharikorqanku.

Oseas 9:9

Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.