Oseas 4:7 - DIOSPA QHELQACHISQ

⁷ Sacerdotekunaqa astawan ashkhaman mirasqankuman jina astawan contraypi juchallerqanku. Chayrayku allinpaj qhawasqa kasqankuta p'enqayman tukuchisaj.

Qheshwa Biblia DC

⁷ Sacerdotesqa may chhika kasqankuman jina, chhikallatataj contraypi juchallerqanku; chayrayku honrayoj kasqankuta p'enqayman tukuchisaj.

DIOSPA QHELQACHISQAN DEUTEROCANONICAL

⁷ Sacerdotekunaqa astawan ashkhaman mirasqankuman jina astawan contraypi juchallerqanku. Chayrayku allinpaj qhawasqa kasqankuta p'enqayman tukuchisaj.

Oseas 4:7 ပူးပေါင်းရင်းမြစ်များ

Esdras 9:7

Unaymantapacha kunankamaqa, may millayta juchallispa kawsayku. Chantá sajra kawsayniykurayku noqayku, jinallataj kuraj kamachejniykupis, sacerdoteykukunapis jaywasqa karqayku waj suyumanta kuraj kamachejkunaj makinkuman. Paykunataj wakinta wañuchiwarqayku, presochawarqayku, kapuyniykuta suwawarqayku, p'enqaypi rikhurichiwarqayku ima. Chantá kunankama ajinallapuni kawsashayku.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Oseas 10:6

Torillo lanteqa Asiriaman apasqa kanqa, kuraj kamachejman t'inkata jina jaywanankupaj. Jinamanta Efrainqa p'enqachisqa rikhurenqa. Israelpis lantinmanta p'enqakonqa.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 4:10

Paykunaqa Tata Diosta yupaychanata saqerqanku. Chayrayku mikhuspapis, mana sajsakonqankuchu. Mirayta munaspapis, mana wawayojchu kanqanku.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Oseas 9:11

Efrainpa may jatun kaynenqa p'isqo jina phawaponqa. Mana astawan wawakunapis kanqañachu, manaña wijsallisqa warmikunapis kanqachu, nitaj yumasqa kajkunapis.

Habacuc 2:16

Kunantajrí jatunpaj qhawasqa kanayki may p'enqaypi rikhurenqa, imaraykuchus Tata Dios qosonqa uj ujyanata, chaytaj sut'iman orqhonqa q'alalla kayniykita, may uyarisqa kasqaykitaj pampapi rikhurenqa.

Malaquías 2:9

Qankuna mana kasuwankichejchu, kamachisqayta yachachispapis wakin runakunallata allinpaj qhawankichej. Chayrayku noqa qankunata tukuy runaj ñawpaqenpi p'enqaypi rikhurichisqaykichej, pisipajtaj qhawachisqaykichej. Ajinata noqa Tukuy Atiyniyoj Tata Dios nini.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.