Oseas 4:6 - DIOSPA QHELQACHISQ

⁶ Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Qheshwa Biblia DC

⁶ Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

DIOSPA QHELQACHISQAN DEUTEROCANONICAL

⁶ Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Oseas 4:6 ပူးပေါင်းရင်းမြစ်များ

2 Crónicas 15:3

May unayta Israelqa mana cheqa Diosniyojchu karqa, mana yachachej sacerdoteyoj, nitaj kamachejniyoj.

Job 36:12

Manachus kasukonqankuchu chayrí, wañuchisqa kanqanku. Manaraj reparakushaspa wañonqanku.

Salmos 119:139

Awqaykuna kamachisqaykita qonqapusqankurayku, phiñakuymanta sonqoy phatashanña.

Salmos 119:153

Qhaway ari, kay jina ñak'arisqayta, kacharichiwaytaj, imaraykuchus kamachisqaykita mana qonqapunichu.

Salmos 119:61

Millayta ruwajkuna misk'achiyta munaspa muyuykuwanku. Chaywanpis kamachisqaykimanta mana qonqapunichu.

Salmos 18:27

27 (28) Llamp'u sonqoyojkunata qan qhespichinki, runaykachajkunatarí k'umuykuchinki.

Proverbios 10:21

Cheqan runaj parlasqanqa ashkha runata yachachin, wampu runarí mana yachayniyoj kasqanrayku wañun.

Proverbios 19:2

Mana allinta qhawarikuspa imatapis ruwanaqa mana allinchu. Pillapis usqhayllata imatapis ruwarparejqa pantan.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 17:10

Ajina kanqa, imaraykuchus qanqa kacharichisoj Diosmanta qonqaporqanki, manataj waqaychasoj Diosniykimanta yuyarikorqankichu. Astawanpis qanqa sumaj uva sach'akunata mallkerqanki, waj dioskunata yupaychanaykipaj.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 29:12

Sitajchus mana ñawiriyta yachajman jaywaspa niwajchej: Ñawiriy kayta, nispa chayqa, paytaj kutichisunkichejman: Mana ñawiriyta yachanichu, nispa.

Isaías 3:12

Majt'illukunalla aylluytaqa munasqankuta ruwanku, warmikunallataj paykunata kamachinku. Ayllúy, kamachejniykichejkunaqa q'otiyashasunkichej, pantay ñankunata pusaspa.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Isaías 5:13

Chayrayku aylloyqa mana noqata rejsiwasqanrayku, waj suyuman apachisqa kanqanku. Tukuy runataj kurajninkukunawan ima, mikhunamanta yarqhaywan, yakumanta ch'akiywan ima wañonqanku.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Ezequiel 44:23

Sacerdotekunaqa aylluyman cheqan kajta mana cheqan kajmanta reparayta yachachenqanku. Paykuna israelitakunaman yachachillanqankutaj llimphupaj qhawasqa kajtapis mana llimphupaj qhawasqa kajmanta reparayta.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 4:14

Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Oseas 7:9

Waj suyumanta runakunaqa paypa kallpanta tukuchishanku, paytaj mana imatapis reparakunchu. Chujchanpis yurajyapunña mana reparakusqallan.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Oseas 8:12

Noqaqa may chhika yachachisqayta paykunapaj qhelqarqani. Paykunatajrí manapis paykunapajchu kanman jina chayta qhawarqanku.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Oseas 9:17

Kay aylloqa Diosniyta mana kasuyta munarqankuchu. Chayraykumin Diosneyqa paykunata qhesachallanqataj, paykunataj suyukuna ukhupi puriskiri jina purenqanku.

San Mateo 1:6

Yesetaj kuraj kamachej Davidpa tatan karqa. Kuraj kamachej Davidqa Salomonpa tatan karqa, Salomonpa mamantaj Betsabé karqa, pichus Uriaspa warmin karqa, chay.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

San Mateo 15:8

Dios nin: Kay runakunaqa simillankuwan jatunchawanku, sonqonkupitajrí ni noqamanta yuyarikullankupischu.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.