Oseas 4:3 - DIOSPA QHELQACHISQ

³ Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Qheshwa Biblia DC

³ Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

DIOSPA QHELQACHISQAN DEUTEROCANONICAL

³ Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Oseas 4:3 ပူးပေါင်းရင်းမြစ်များ

Isaías 33:9

Israel suyu llakisqa, onqosqataj kashan, Libanopis may p'enqaywan qawisqa kashan. Sarón vallepis q'ara pampaman tukupun, Basán jallp'awan, Carmelo jallp'awanqa t'ojrapacha kashan.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 4:25

Qhawarerqani, manataj ni uj runallatapis rikorqanichu. Tukuy p'isqokunapis ayqespa, phawarikapusqanku.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:9

9 (8) Manachu kay millayta ruwasqankumanta paykunata jasut'iymanri? Manachu ajinata ruwaj suyumanqa ruwasqanman jina qopuymanri? Ajinata noqa Tata Dios nini.

Ezequiel 38:20

Chantá mama qochapi kaj challwakuna, phawaj p'isqokuna, campopi kaj phiña animalkuna, pampata qhatatakuspa purej animalkuna, tukuy kay pachapi kaj runakuna ima ñawpaqeypi kharkatitenqanku. Jatuchaj orqokuna loqherakonqanku, tukuy perqakunataj thuñikuspa, pampaman urmanqanku.

Joel 1:18

Uywapis khuyayta waqarashan. Wakakunapis qhasillata pastota mask'ashanku, ovejakunataj tropantin yarqhaymanta wañurapushanku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 5:16

Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Amós 8:8

Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Nahúm 1:4

Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

Sofonías 1:3

Runakunata, animalkunata, p'isqokunata, jinallataj challwakunatapis chinkachisaj. Millay runakunatapis urmachillasajtaj, jallp'a patamantataj tukuy runakunata chinkarparichisaj, nispa. Noqa Tata Diosmin chayta nini.

Zacarías 5:4

Tukuy Atiyniyoj Tata Dios nin: Noqa chay maldicionta chayachimusaj, pikunachus suwanku, pikunatajchus qhasimanta sutiypi tilunku, chaykunaj wasinkuman yaykunanpaj. Kay maldiciontaj chayllapi qhepakonqa wasej kurkunkuna, jinataj ruminkunapis chinkarparichisqa kanankama, nispa.