Oseas 4:2 - DIOSPA QHELQACHISQ

² Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Qheshwa Biblia DC

² May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

DIOSPA QHELQACHISQAN DEUTEROCANONICAL

² Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Oseas 4:2 ပူးပေါင်းရင်းမြစ်များ

Génesis 4:8

Uj kuti Cainqa Abelta nerqa: Jaku campota puriykacharej rina, nispa. Chantá campopi kashajtinku, Cainqa wawqen Abelta maqaspa wañurparicherqa.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Jeremías 6:7

Jerusalenmanta millayta ruwana llojsimullanpuni, imaynatachus uj pujyumanta yaku llojsimullanpuni, ajinata. Chay llajtapi suwanamanta chantá mana allinta ruwanamanta parlasqalla uyarikun. Chaypi onqoykunawan k'irisqa runakunallata rikuni.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Ezequiel 7:23

Tata Dios nillarqapuni: Tukuy Israel suyuntinpi runa wañuchiy tiyan, Jerusalén llajtantinpitaj kallpaman atinikuspa millay ruwaykunawan junt'a kashan. Ezequiel, fierro cadenakunata wakichiy aylluykunata qhatatanapaj.

Oseas 10:13

Qankunarí millay kajta ruwanata tarporqankichej, jinataj oqharerqankichej mana allin kajta. Imatachus llullakuspa tarisqaykichejta mikhorqankichej, imaraykuchus maqanakuna carretaykichejkunapi, wapu soldadoykichejkunapi ima atinikorqankichej.

Oseas 10:4

Paykuna parlallanku, yanqhallata imatapis ninku, tiluspa trato ruwasqankutapis p'akillanku. Chayrayku paykunapaj Diospa justician surk'u chawpipi wiñaj jaya qhora jina kanqa.

Oseas 11:12

12 (12.1)Efrainqa llullerionwan umayta q'epichayta munawan. Israelpis q'otiyayta munawan. Judamanta kajkunapis noqa mana wasanchaj Diosmanta t'aqakuwanku, lantikunaman qonqorikunankupaj.

Oseas 12:14

14 (15) Chaywanpis Efrainmanta kajkuna may jinata Tata Diosta phiñacherqanku. Chayraykumin Tukuyta Kamachej Diosqa runata wañuchisqankumanta paykunata juchachanqa, millayta ruwasqankumantataj ñak'arichenqa.

Oseas 5:2

Sitín vallepi ukhu t'oqota allarqankichej. Chayraykumin tukuyniykichejta jasut'isqaykichej.

Oseas 6:8

Galaad llajtaqa millayta ruwajkunaj llajtan, jinataj runa wañuchejkunawan junt'a.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Oseas 7:3

Aylloyqa millay ruwasqankuwan, llullakusqankuwantaj kuraj kamachejta, kurajkunatapis kusirichinku.

Oseas 7:4

Tukuyninku khuchichakuspa purinku. Paykuna q'oñirispa, pariyachisqa horno jina kanku, mayqenchus k'ajarillanpuni masa poqonankama, ajina.

Miqueas 3:2

Chaywanpis qankunaqa allin kajta chejninkichej, mana allin kajtataj munakunkichej. Qankuna runaj qaranta ch'uskinkichej, q'ara tullullatataj saqenkichej.

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Miqueas 6:10

Juchasapa runaj wasin mana allin kajta ruwaspa qhapajyasqanwan junt'a kashan. Wasinpi kallantaj mana cabal balanza, mayqentachus noqa chejnikuni, chay.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Sofonías 3:1

Ay, Jerusalenpi tiyakojkuna, mana kasukuyta munajkuna, juchawan junt'a kajkuna, runa masiykichejta ñak'arichejkuna.

Zacarías 5:3

Chantá ángel niwarqa: Chaypi, tukuy Israel suyupaj maldición kanamanta qhelqasqa kashan. Puraj ladonpi qhelqasqa kashan. Ujnin ladonpi nin pichus suwajqa chinkachisqa kananta, ujnin ladonpitaj nin qhasimanta tilojqa jasut'inamanta mana llusp'inanta.

Zacarías 7:9

Kaytamin noqa kamachini: Cheqan justiciata ruwaychej, jinataj ujkuna ujkunapaj khuyakuyniyoj, allin k'achataj kaychej.

San Mateo 23:35

Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Deuteronomio 5:11

Ama qhasi manakajta Tata Diosniykej sutinta oqharinkichu, pichus sutinta yanqhata oqharejtaqa Tata Dios mana qhawakullanqachu.

Deuteronomio 5:18

Ama casarasqaykita wajwan wasanchaspa, khuchichakunkichu.

Deuteronomio 5:19

Ama suwankichu.

1 Tesalonicenses 2:15

Judiokunamanta wakinkuna Tukuyta Kamachej Jesusta wañuchisqanku, jinallatataj Diosmanta sut'inchajkunatapis. Noqaykutapis qhatiykachaspa, ñak'arichillawarqaykutaj. Paykuna mana Diospa munasqanman jinachu ruwanku, jinallataj tukuy runaj contranpi kashanku.

Apocalipsis 17:6

Repararqanitaj chay warmeqa Diospa ajllakusqankunaj yawarninkuwan, chantá Jesusmanta willajkunaj yawarninkuwan ima machasqa kasqanta. Payta rikuspa, noqa maytapuni t'ukorqani.