Oseas 4:16 - DIOSPA QHELQACHISQ

¹⁶ Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Qheshwa Biblia DC

¹⁶ Israelqa mana kasukunchu uj chukara waka jina, ajinatarí Señorqa michinmanchu sumaj qhallaj pastosnimpi corderosninta jina?

DIOSPA QHELQACHISQAN DEUTEROCANONICAL

¹⁶ Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Oseas 4:16 ပူးပေါင်းရင်းမြစ်များ

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Isaías 22:18

Pelotata jina morq'oykususpa, karu jatun suyukama bolalachisonqa. Chaypi wañunki, chaypitaj may uyarisqa carretaykikuna qhepakonqanku, qantaj kuraj kamachejpaj p'enqay kanki.

Isaías 30:23

Chaypacha Tata Dios parachimonqa tarpuna tiempopi, chay tarpusqaykichejtaj sumajta poqonqa. Uywaykichejpis sumaj q'omer pampakunapi michisqa kanqanku.

Isaías 5:17

Chantá chay p'unchaypi corderokuna sumaj pastota tarenqanku, qhapajkunaj raqay wasillankupitaj runakuna cabrakunata michenqanku.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 3:11

Tata Dios nillawarqataj: Mana kasukoj Israelqa pisi juchayoj chay wasanchawaj Judamanta nisqaqa.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 3:8

Jinallataj pay rikorqa imaynatachus contraypi oqharikoj Israelta wijch'usqayta, chantá khuchichakusqanrayku paymanta t'aqakusqayta ima. Jinapis Israelpa ñañan wasanchaj Judá mana manchachikorqachu, manachayqa paypis khuchichakunaman qokullarqataj.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Oseas 10:11

Efrainqa mansuyachisqa vakilla jina erapi trillaspa misk'irichikun. Noqatajrí llosq'o kunkitanman llasa yugota watani carretata aysananpaj. Judaqa llank'anqa, Jacobtaj rastranqa.

Oseas 11:6

Israelpa llajtankunapi maqanaku kanqa, jark'achasqa llajtankunapis thuñisqa kanqa. Imaymana wakichikusqankupis chinkachisqallataj kanqa.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.