Oseas 4:14 - DIOSPA QHELQACHISQ

¹⁴ Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Qheshwa Biblia DC

¹⁴ Chaywampis mana jasut'isajchu warmi wawasniykichejta qhenchachakusqankumanta nitaj ñojch'asniykichejtapis, waj qhariswan qhenchachakusqankumantapis. Qankuna kikiykichejpis qhenchachakuyman qokaporqankichej; rikuchikusta jaywanaykichejpaj khuskachakunkichej chay qhencha warmiswan, chaykunawan dioskunasninkuta yupaychaj jina. Ajinamanta llajtaqa urmaykun chinkayman mana yuyayniyoj kasqanrayku!

DIOSPA QHELQACHISQAN DEUTEROCANONICAL

¹⁴ Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Oseas 4:14 ပူးပေါင်းရင်းမြစ်များ

1 Reyes 15:12

Payqa Judá suyumanta chay lantikuna yupaychana wasikunapi khuchichakoj tukuy qharita wijch'orqa. Wijch'ullarqataj ñawpa tatankunaj tukuy lanti ruwasqankuta.

2 Reyes 23:7

Tata Diospa Templonpi lantita yupaychaspa qharipura khuchichakojkunaj wasinkutapis urmacherqa. Chaypipis warmikunaqa Asera lantipaj p'achakunata awallajtaj kanku.

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 56:11

Alqo jina mikhunawan mana sajsakuyta atej kanku. Paykuna michejkuna kashaspapis, mana yuyayniyoj wampu kanku. Sapa ujninku imatachá munasqankuta ruwaspa purinku. Sapa ujninku imachá paykunapaj allin kajllata mask'akunku munasqankuman jina.

Daniel (hebreo) 12:10

Willasqayman jina ashkha ñak'arenqanku, chaymantataj llojsenqanku allinchasqa, llimphuchasqataj. Millayta ruwaj runakunarí millayta ruwaspa purillanqankupuni, manataj imatapis entiendenqankuchu. Yachayniyoj runakunarí tukuy imata reparanqanku.

Oseas 14:9

Tukuy yachayniyojkuna, allin yuyayniyojkuna, kay simita jap'ikuchunku: Tata Diospa kamachisqanqa cheqanmin, cheqan kawsayniyojkunataj chaykunata kasunku. Mana kasukojkunatajrí chaypi misk'aspa, urmanqanku.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 4:17

Efrainqa lantita yupaychayman qokapun. Chayrayku saqellaychej jina purejta.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.

Números 25:3

Ajinata israelitakunaqa Baal Pegor sutiyoj lantita yupaychanaman apachikorqanku. Chayrayku Tata Diosqa israelitakunapaj maytapuni phiñakorqa.

San Juan 8:43

Imaraykutaj parlasqayta umaykichejpi mana jap'iyta atinkichejchuri? Imaraykuchus parlasqaytaqa ni uyariyllatapis munankichejchu.

Romanos 3:11

Yuyayniyojqa mana pipis kanchu, nillataj Diosta mask'ajpis.

1 Corintios 6:16

Chayrí, manachu yachankichej pichus phisu warmiwan puñuykojqa paywan ujllaman tukusqanta? Diospa Qhelqachisqanpi nin: Iskayninku uj runa jinalla kanku, nispa.

Efesios 4:18

Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Deuteronomio 23:17

17 (18) Israel ukhupi ni uj warmi, nitaj ni uj qharipis khuchichakoj kanqachu, imaynatachus manakaj dioskunata yupaychajkuna ruwanku, jinaqa.

Hebreos 12:8

Diosrí tukuy wawankunata cheqan ñanman churayta munaspa jasut'in. Sichus Dios qankunata mana jasut'isunkichejchu chayqa, chay niyta munan qankuna mana wawanpunichu kasqaykichejta, manachayqa k'ipa wawalla.