Oseas 4:13 - DIOSPA QHELQACHISQ

¹³ Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Qheshwa Biblia DC

¹³ Jatun orqo puntaspi juch'uy orqo puntaspipis inciensosta q'oshñichinku jaywankutaj rikuchikusta; jinallatataj roble sach'as uraspi, alamospapi encinaspa phatu llanthusnin uraspipis. Chayrayku warmi wawasniykichej qhenchachakunku, ñojch'asniykichejpis waj qhariswantaj qhenchachakullankutaj.

DIOSPA QHELQACHISQAN DEUTEROCANONICAL

¹³ Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 4:13 ပူးပေါင်းရင်းမြစ်များ

2 Reyes 17:7

Ajina karqa israelitakuna Tata Diosninkoj contranpi juchallisqankurayku. Tata Diosqa Egipto suyuta kuraj kamachej faraonpa makinmanta paykunata kacharichisqa. Israelitakunatajrí waj dioskunata yupaycharqanku.

2 Reyes 23:7

Tata Diospa Templonpi lantita yupaychaspa qharipura khuchichakojkunaj wasinkutapis urmacherqa. Chaypipis warmikunaqa Asera lantipaj p'achakunata awallajtaj kanku.

Isaías 1:29

Chantá qankunaqa encina sach'akunata chay jinatapuni yupaychasqaykichejmanta p'enqachikunkichej. Jinallataj mayqen huertatachus lantikunata yupaychanaykichejpaj ajllasqaykichejmantawan p'enqakullankichejtaj.

Isaías 57:5

Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

Isaías 57:7

Jatuchaj orqo patapi khuchichakunaykipaj puñunata wakichikamunki. Chaykama wicharinki uywa ñak'asqata q'olachispa jaywanaykipaj.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Ezequiel 16:16

Chay p'achaykikunawantaj orqokunapi yupaychana toldokunata sayacherqanki, chaykunapitaj khuchichakorqanki. Ajinata ruwana mana jayk'ajpis karqachu, nitaj kanqachu.

Ezequiel 16:25

Llajtaman yaykuna sapa ñanllapi lantikunapaj uj cheqata ruwakorqanki. Ajinamanta k'acha kayniykita millayman tukucherqanki. Tukuy chaynejta pasajkunaman ukhuykita jaywarqanki, sapa kutitaj khuchichakorqanki.

Ezequiel 6:13

Paykuna wañusqakunata rikonqanku altarkunaj muyuyninpi, lantikunaj chawpinpi, chantá orqo patapi, lomaj kinrayninkunapi ima. Wañusqakunata rikullanqankutaj thansarara sach'akuna urapi, chantá maypichus tukuy lantikunaman inciensota q'oshñicherqanku, chay cheqakunapipis. Maypachachus wañusqakunata rikonqanku, chaypacharaj noqa Tata Dios kasqayta yachanqanku.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Amós 7:17

Tata Diostajrí kay jinata nisunki: Warmiyki llajta chawpipi phisu warmiman tukonqa, jinataj churiykikuna, ususiykikunapis wañurachisqa kanqanku. Jallp'aykitapis suerteta choqaspa rak'inakullanqankutaj, qantaj Diosta mana rejsejkunaj suyunkupi wañunki. Israelitakunapis mana munashajta llajtankumanta karu suyuman apasqa kanqanku, nispa.