Oseas 4:12 - DIOSPA QHELQACHISQ

¹² Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Qheshwa Biblia DC

¹² Aylloyqa k'aspi lantisllata tapurakunku; chay llant'a k'aspiswantaj adivinaranku, qhenchachakuywan atipachikuspa. Aylloyqa pantay ñanninta rishan, qhenchachakuypi jinamanta t'aqakuspa Diosmanta.

DIOSPA QHELQACHISQAN DEUTEROCANONICAL

¹² Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 4:12 ပူးပေါင်းရင်းမြစ်များ

2 Reyes 17:7

Ajina karqa israelitakuna Tata Diosninkoj contranpi juchallisqankurayku. Tata Diosqa Egipto suyuta kuraj kamachej faraonpa makinmanta paykunata kacharichisqa. Israelitakunatajrí waj dioskunata yupaycharqanku.

2 Crónicas 21:13

Aswanpis Israelta kuraj kamachejkuna jina ruwarqanki. Qanmin juchayoj kanki Judá, jinataj Jerusalenpi tiyakojkunapis Tata Diosta wasanchanankupaj, imaynatachus Ajabpa ayllun ruwarqa, ajinata. Jinallataj wawqeykikunata wañucherqanki, paykuna qanmanta nisqa aswan allin runa kajtinkupis.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 23:13

Samariapi tiyakoj sut'inchajkunata rikuni kay millachikuna imata ruwashajta: Paykuna Baalpa sutinpi sut'inchaspa, Israel aylluyta pantachinku.

Ezequiel 20:32

Qankuna ninkichej: Wakin suyukuna jina kayta munayku, pikunachus k'ullukunata chantá rumikunata yupaychanku, chaykuna jina, nispa. Chaytajrí manapuni jinachu kanqa.

Ezequiel 21:21

21 (26) Babiloniamanta kuraj kamachejqa maynejmantachus iskaynin ñankuna qallarin, chaypi suerteta choqananpaj sayashan. Jinapi flechantapis thalarin, lantinkunata tapurikun, uywakunaj k'iwichankutataj qhawan.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Oseas 6:10

Noqatajrí Israel suyupi millay ruwasqankuta rikuni. Efrainqa ujwantaj ujwantaj khuchichakorqa, Israelpis chayllawantaj ch'ichichakorqa.

Oseas 9:1

Ama kusikuychu, Israel, nillataj kusikuywan phinkiriychu waj suyu jinaqa. Qanqa, grano trillana erapi Diosta wasanchaspa, waynaykikunawan khuchichakunki. Khuchichakusqaykimantataj pagota jap'iyta misk'irichikunki.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Levítico 20:5

noqa chay runaj contranta, jinataj ayllunpa contranta sayaykuspa, paykunata chinkachisaj. Pikunachus paywan khuska Molocta yupaychaspa qhenchachakorqanku, chaykunatapis chinkachillasajtaj.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Habacuc 2:19

Ay, imarajchus kanqa qanmanta, imaraykuchus k'ullumanta llajllasqa lantita ninki: Rijch'ariy, nispa. Mana parlayta atej rumitataj ninki: Sayarikuy, nispa. Chaykunaqa imamantapis willasuyta atinkumanchuri? Mana, imaraykuchus, qoriwan chayrí qolqe metalwan lluch'isqa kaspapis, mana kawsayniyojchu kanku.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Jueces 18:5

Chayta uyarispa, Danmanta jamojkuna nerqanku: Diosta tapuripuwayku kay puriyniykupi allinchus riwasqayku manachus, chayta, nispa.