Oseas 4:11 - DIOSPA QHELQACHISQ

¹¹ Sajra purikoj warmiwan purina, vinowan machana imaqa yuyayta chinkachin.

Qheshwa Biblia DC

¹¹ Qhenchachakuywan vinowan imaqa yuyayta chinkachin.

DIOSPA QHELQACHISQAN DEUTEROCANONICAL

¹¹ Sajra purikoj warmiwan purina, vinowan machana imaqa yuyayta chinkachin.

Oseas 4:11 ပူးပေါင်းရင်းမြစ်များ

Proverbios 20:1

Vinoqa runata machu machuman tukuchin, machachikoj ujyanakunataj astawan runata qhayqerachin. Chaywan machajqa mana yuyayniyoj jina imatapis ruwarparillan.

Proverbios 31:4

Lemuelníy, mana allinchu kuraj kamachejkuna nitaj kurajkunapis vinota ujyananku, nillataj machachina ujyanawanpis machananku.

Proverbios 6:32

Chaywanpis, qosayoj warmiwan khuchichakojrí suwamanta nisqaqa astawan mana yuyayniyoj. Chay warmiwan puñuykuspa, makinllawantaj mana allin kawsayta mask'akushan.

Eclesiastés 7:7

Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Isaías 28:7

Chaywanpis kunan sacerdotekuna, Diosmanta sut'inchajkunapis vinowan machasqa thampiykachanku, tragowan machasqa yuyay chinkasqa kashanku, vino ujyasqankuwantaj chankaykachanku. Imatachus mosqoypi jina rikusqankuta pantasqata rikunku. Justiciata ruwananku kashajtinpis, paykunaqa machasqa kashanku.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

Jeremías 23:13

Samariapi tiyakoj sut'inchajkunata rikuni kay millachikuna imata ruwashajta: Paykuna Baalpa sutinpi sut'inchaspa, Israel aylluyta pantachinku.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Levítico 10:9

Qan, chayrí churiykikuna Dioswan Tinkukuna Toldoman yaykunaykichej kajtenqa, ama vinota ujyankichejchu, nitaj ima machachej ujyanatapis, ama wañunaykichejpaj. Kayqa tukuy mirayniykichejpaj wiñaypaj kamachisqay kanqa.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

1 Samuel 25:36

Chantá Abigaíl kutiporqa, maypichus Nabal kasharqa, chayman. Rikorqataj wasinpi sumaj raymita kuraj kamachejpaj jinapuni ruwashasqanta. Nabalqa may kusisqa phiri machasqataj kasharqa. Chayrayku Abigailqa q'ayantinkama mana imatapis nerqachu.