Oseas 4:10 - DIOSPA QHELQACHISQ

¹⁰ Paykunaqa Tata Diosta yupaychanata saqerqanku. Chayrayku mikhuspapis, mana sajsakonqankuchu. Mirayta munaspapis, mana wawayojchu kanqanku.

Qheshwa Biblia DC

¹⁰ Paykunaqa qonqapunku Señorta sirviyta, chayrayku mikhuspapis mana sajsakonqankuchu; ujwantaj ujwantaj qhenchachakuspapis mana wawasniyojchu kanqanku.

DIOSPA QHELQACHISQAN DEUTEROCANONICAL

¹⁰ Paykunaqa Tata Diosta yupaychanata saqerqanku. Chayrayku mikhuspapis, mana sajsakonqankuchu. Mirayta munaspapis, mana wawayojchu kanqanku.

Oseas 4:10 ပူးပေါင်းရင်းမြစ်များ

2 Crónicas 24:17

Joyadá wañupusqanmanta qhepaman, Judamanta kurajkuna jamuspa, kuraj kamachejta nisqankuta uyarinanta nerqanku. Kuraj kamachej Joastaj mana allin yuyaychasqankuta kasorqa.

Salmos 125:5

Mana allinta ruwaspa purejkunatarí, millayta ruwajkunatawan khuska Tata Dios wijch'onqa. Israel ayllupi allin kawsakuyllapuni kachun.

Salmos 36:3

3 (4) Payqa khuchi simi, llullataj. Yachayniyoj kayta saqespa, mana allin kajta ruwanchu.

Proverbios 13:25

Cheqan runaqa sajsakunankama mikhun, millayta ruwaj runapajrí yarqhachikuylla tiyan.

Jeremías 34:15

Chantá qankunaqa mana allinta ruwasqaykichejmanta noqaman kutirikuspa, ñawpaqeypi imachus allin kajta ruwarqankichej sapa ujniykichej llajta masiykichejta kacharipunaykichejpaj. Chay tratota noqata yupaychana Templopi ruwarqankichej.

Jeremías 9:12

12 (11) Pitaj yachayniyoj kanman kay imakunata sut'inchananpajri? Pimantaj Tata Dios chaykunamanta sut'incharqa, wajkunaman willananpajri? Imaraykutaj kay suyu ch'inyachisqa kashan, ch'aki pampa mana pejpa purinan jinari? nispa.

Ezequiel 18:24

Sichus cheqanta kawsaj runa cheqan kaj ruwanata saqespa, millayta ruwaj runaj tukuy millay ruwasqanta ruwanman chayqa, payqa manapuni kawsanqachu. Noqa tukuy allin kajta ruwasqanmanta mana yuyarikusajchu. Astawanpis noqata wasanchawasqanrayku, millayta ruwasqanraykutaj pay wañonqa.

Ezequiel 22:9

Qanpi tiyakojkuna runata wañuchinankupaj llullakunku. Orqokunapi lantikunaj sutinkupi mikhuy wayk'usqata mikhumoj rinku, millay khuchiriyotataj ruwanku.

Oseas 4:14

Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Oseas 7:4

Tukuyninku khuchichakuspa purinku. Paykuna q'oñirispa, pariyachisqa horno jina kanku, mayqenchus k'ajarillanpuni masa poqonankama, ajina.

Levítico 26:26

Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

Miqueas 6:14

Ajinamanta mikhuspapis mana sajsakunkichu, manachayqa mikhunamanta jina ch'ayñarayanki. Mikhuna tantasqaykitapis mana waqaychayta atinkichu. Imatachus jallch'anki, chaytapis contraykipi jamojkunaman jaywasaj.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.