Oseas 3:5 - DIOSPA QHELQACHISQ

⁵ Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Qheshwa Biblia DC

⁵ Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

DIOSPA QHELQACHISQAN DEUTEROCANONICAL

⁵ Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 3:5 ပူးပေါင်းရင်းမြစ်များ

1 Reyes 12:16

Tukuy runaqa kuraj kamachej paykunata mana uyariyta munasqanta reparaspa, nerqanku: Davidwan mana imapis ruwananchej kanchu. Yeséj churinwanqa mana ima chayaqenchejpis kanchu. Israelitakuna, wasiykichejman ripuychej. Davidpa ayllonqa ayllullanpi kamachichun, nispa. Jinaspa, israelitakunaqa wasinkuman riraporqanku.

Isaías 17:7

Chay p'unchaypi runakuna yanapananta mask'aspa, Ruwajninkuman kutirenqanku. Kikin ñawinkuwan Israelpa May Llimphu Kaj Diosninta qhawanqanku.

Isaías 2:2

Jamoj p'unchaykunapi kay jina kanqa: Maypichus Tata Diospa Templon kashan, chay orqoqa tukuy orqokunamanta aswan uyarisqa kanqa. Tukuy suyumantataj runakuna chayman jamonqanku.

Isaías 2:3

Tukuy suyumanta ashkha runakuna jamuspa, nenqanku: Jakuchej, Tata Diospa orqonman, Jacobpa Diosninpa wasinman wicharina. Payqa jaqaypi maynintachus purinanchejta yachachiwasun, ajinamantataj chay ñanninta purisunchej, nispa. Sión llajtamanta Diospa kamachisqan purirenqa. Tata Diospa simi nisqanpis Jerusalenmanta tukuynejman chayanqa.

Isaías 60:5

Chaypacha qanqa paykunata rikuspa, mayta kusikunki, sonqoykitaj kusiywan t'ikarenqa. Mama qocha kantupi tiyakojkuna valorniyoj imankuta apamusonqanku, tukuy suyoj qhapaj kayninkutataj qanman jaywasonqanku.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Jeremías 23:5

Tata Dios nillantaj: Uj p'unchay chayamonqa, chay p'unchaypitaj Davidpa mirayninmanta uj kuraj kamachejta jatarichisaj. Chay kuraj kamachejqa yachaywan, justiciawan, cheqanta ruwaspataj kamachenqa.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 30:9

Chantá noqa Tata Diosninkuta yupaychawanqanku, jinallataj churasqay kuraj kamachej Davidpa kamachiyninpipis kanqanku.

Jeremías 33:17

Noqa Tata Diosmin kayta nini: Mana jayk'ajpis Davidpa mirayninmanta Israelpa kamachinan tiyanapi tiyajqa tukukonqachu.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Ezequiel 16:63

Maypachachus noqa tukuy millay ruwasqaykita pampachasaj chaypacha, qan yuyarikuspa, uyaykita mana mayman churayta atinkichu. P'enqakunki, k'umuykunkitaj, simiykitapis mana ujtawan kicharinkichu. Noqa Tukuyta Kamachej Tata Dios chayta nini, nispa.

Ezequiel 38:16

Chantá Israel aylluypa contranpi qan maqanakoj yaykunki, yana phuyu jina Israelpa tukuynin jallp'anta p'ampaykuspa. Chay qhepa p'unchaykunapi noqaqa aylluypa contranpi pusamusqayki, waj suyukunamanta runakuna noqata rejsinawankupaj. Chaypachataj qannejta noqa may llimphu kasqayta rikuchikusaj, nispa.

Ezequiel 38:8

Kaymanta unay wataman, Israelwan maqanakunaykipaj kamachisqa kanki. Israel suyoj runankuna ashkha suyuman ch'eqerachisqa karqanku, wiñaypaj ch'inyachisqataj. Chaywanpis chaymanta kutimuspa, tukuy israelitakuna watej Israelpa orqonkunapi tantakonqanku, chaypitaj tukuyninku ni imamanta manchachikuspa tiyakushanqanku.

Daniel (hebreo) 10:14

Noqa jamuni willasunaypaj qhepanejman llajta masiykikunaman imachus jamunanmanta. Imatachus rikusqaykeqa, chay p'unchaykunamantamin willashan, nispa.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Oseas 5:6

Uj p'unchay ovejankumanta, wakankumanta jaywanapaj aparisqa Tata Diosta mask'anqanku chaypis, manapuni tarenqankuchu, imaraykuchus paykunamanta karunchakunña.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Amós 9:11

Uj p'unchay jamushan, chay p'unchaypitaj Davidpa ayllunta urmasqa kasqanmanta oqharisaj, watejmantataj sayarichisaj, imaynachus ñawpajta karqa, kikinta.

Miqueas 4:1

Jamoj p'unchaypi, maypichus Tata Diospa Templon kashan, chay orqoqa maypaj qhawasqa kanqa. Tukuy orqokunamanta aswan uyarisqa kanqa, tukuy suyumanta runakunataj chayman jamonqanku.

Números 24:14

Jinaqa, llajtayman kutipusaj. Manaraj ripushasparí, qhepanejman israelitakuna runaykikunata imatachus ruwanankuta willasqayki.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 2:4

Ajinata ruwaspa, qanqa Diospa qhapaj khuyakuyninta qhesachashanki, paciencianta, jatun munakuyninta ima. Manachu yachanki munakuynenqa Diosman kutirikunaykipaj qanta pusashasusqanta?

Deuteronomio 4:30

Maypachachus llakiykuna phutiykunapis chayamusojtiykichej chay qhepata, qankunaqa Tata Diosman kutirikuspa, payta kasunkichej.