Oseas 3:4 - DIOSPA QHELQACHISQ

⁴ Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Qheshwa Biblia DC

⁴ Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.

DIOSPA QHELQACHISQAN DEUTEROCANONICAL

⁴ Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Oseas 3:4 ပူးပေါင်းရင်းမြစ်များ

Génesis 31:19

Chaywanpis Labán ovejankunaj millmanta ruthuchej rinankama, Raquelqa tatanpa lantinkunata suwarqa.

Génesis 31:34

Raqueltajrí lantikunata camello montura uraman sat'iykorqa, jinaspataj, patanman tiyaykorqa. Labán toldopi tukuynejta mask'arqa, manataj tarerqachu.

Génesis 49:10

Judá ayllumanta kamachina varata ni pi qhechonqachu. Nillataj pipis mirayninpa makinmanta kamachina varata qhechonqachu varaj dueñon chayamunankama, pichus tukuy kay pachata kamachenqa, chay.

2 Samuel 6:14

Davidqa linomanta unku p'achawan p'achallisqa risharqa, Tata Diospa ñawpaqenpi tukuy kallpanwan tusurispa.

2 Reyes 23:24

Jinallataj Josiasqa layqakunata, aysirikunata wijch'ullarqataj. Chantá Judá suyupi, Jerusalenpiwan ima wasi lantikunata, tukuy imaymana millay yupaychana imakunatawan chinkacherqa. Ajinata ruwarqa sacerdote Hilcías Tata Diospa Templonpi tarisqan qhelqapi nisqanta junt'ananpaj.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Éxodo 28:4

Kay jina p'achakunata ruwanqanku: Pecherata, unkuta, poncho jina qhatanata, pallayniyoj p'achata, linomanta ch'uluta, pallayniyoj chumpitawan. Ajina sumaj p'achakunata wawqeyki Aaronpaj, churinkunapajwan ima ruwapunkichej, sacerdoteykuna jina imachus ruwanankuta ruwanankupaj.

Éxodo 28:6

Unkutaqa k'acha pallayniyojta ruwanqanku, qorimanta ruwasqa q'aytumanta, anqa telamanta, puka panti telamanta, pukamanta, t'ullkusqa linomantawan ima.

Lamentaciones 2:9

Punkunkunapis pampaman wijch'usqa karqanku. Pay punku chakanankutapis p'akirarqa. Kuraj kamachejninkuwan, kurajninkukunawanqa waj suyukunaj chawpinkupi kashanku. Kamachiykunaqa manaña kanchu, nitaj Diosmanta sut'inchajkunapis mosqoypi jina imatapis Diosmanta jap'inkuñachu.

Ezequiel 19:14

Thansanqa jatunta lawraykuspa, poqoyninta ruphaykusqa. Manaña thansanpis kuraj kamachej varanpaj jina kanchu. Kay takeyqa llakiy yarawi, may llakisqa kaspa takinapaj.

Ezequiel 20:32

Qankuna ninkichej: Wakin suyukuna jina kayta munayku, pikunachus k'ullukunata chantá rumikunata yupaychanku, chaykuna jina, nispa. Chaytajrí manapuni jinachu kanqa.

Ezequiel 21:21

21 (26) Babiloniamanta kuraj kamachejqa maynejmantachus iskaynin ñankuna qallarin, chaypi suerteta choqananpaj sayashan. Jinapi flechantapis thalarin, lantinkunata tapurikun, uywakunaj k'iwichankutataj qhawan.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Daniel (hebreo) 11:31

Chaypachaqa paypa soldadonkuna Diospa Templonta millachikunaman tukuchenqanku, jinallataj sumaj jark'achasqa wasikunatapis. Diosman sapa p'unchay q'olachispa jaywanatapis sayachenqanku, cuentanmantataj millachikunata jaywanqanku.

Daniel (hebreo) 12:11

Waranqa iskay pachaj jisq'on chunkayoj p'unchaykuna kanqa, Diosman sapa p'unchay jaywana kajta saqechisqankumantapacha Diospa Templonpi millachikunapaj jaywasqankumantawan.

Daniel (hebreo) 9:27

Uj semanatawan chay kuraj kamachej ashkha runawan tratota ruwanqa. Chawpi semanapitajrí uywa ñak'asqa q'olachisqa jaywanata, ofrenda qonatapis sayachenqa. Chantá q'olachina altarpa ñawpaqenpi pay uj may millay imata ruwanqa, chaytaj ajina kallanqapuni chhika millay ruwachej runa chinkachisqa kanankama, imaynatachus nisqaña karqa, ajinata.

Oseas 13:10

Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Oseas 13:11

Noqaqa qankunapaj mayta phiñakuspa, kuraj kamachejkunata qorqaykichej. Chantá phiñakuspa, paykunata qhechullarqaykichejtaj.

Oseas 2:11

11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Levítico 8:7

Chantá Aaronman p'achata churarqa, chumpiwantaj chumpiykorqa. Patanmantaj ponchoman rijch'asqa qhatanawan qhataykorqa. Chaypa patanmantaj unkuta churaykorqa, jinaspataj, unkoj watanallanwantaj sumajta wataykorqa.

Zacarías 10:2

Lantikunaj nisqankoqa llullamin, yatirikunaj watusqankupis qhasillamin. Imatachus mosqoypi jina nisqankupis qhasilla, sonqochakoj jina parlasqankupis yanqhalla. Chayraykumin aylloyqa chinkasqa oveja tropa jina thamaykachashanku, michejmanta jina ñak'arispa.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

San Juan 19:15

Paykunatajrí qhaparerqanku: Llajtamanta jawaman orqhospa, cruzman chakatachimullayña, nispa. Pilatotaj paykunata nerqa: Kuraj kamachejniykichejtachu cruzman chakatachisaj? nispa. Kuraj sacerdotekunataj kuticherqanku: Mana waj kuraj kamachejniyku kanchu Romapi kuraj kamachej Cesarmanta astawanqa, nispa.

Hebreos 10:26

Sichus noqanchej cheqa kajta yachaspaña, juchallillasunmanpuni chayqa, chay juchata pampachanapaj manaña waj jaywana kanchu.

Jueces 17:5

Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

Jueces 18:14

Chantá pikunachus Lais llajtata qhawaj jamusqanku, chay phishqa kachakunaqa llajta masinkuman nerqanku: Yachankichejchu kay wasipi tiyan Diosta tapuna efodta, chantá lantikuna, jinataj k'ullu llajllasqamanta uj lanti qolqewan lluch'isqa ima. Ima ninkichejtajri? nispa.

Jueces 8:27

Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.

1 Samuel 14:3

Unkuta apaykachaj Ajiaspis chaypi kashallarqataj. Payqa Ajitobpa churin karqa, Icabodpa wawqentaj. Ajitobqa Finespa churin karqa, chantá Elíj allchhintaj. Eliqa Silopi Tata Diospa sacerdoten unayña kasqa. Chaypacha runakunaqa Jonatán llojsisqanta mana yacharqankuchu.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 2:18

Chaykama Samuelqa linomanta ruwasqa unkuyoj Tata Diospaj llank'aspapuni kasharqa.

1 Samuel 21:9

9 (10) Sacerdotetaj kuticherqa: Elá nisqa vallepi filisteo Goliatta wañuchispa qhechusqayki espadalla kaypi kashan, unku wasapi uj llijllawan mayt'usqa kashan. Munanki chayqa, apakapuyta atinki. Chaylla tiyan, aswan mana kanchu, nispa. Chantá David kuticherqa: Chaymanta aswan sumajqa mana kanmanchu. Chayta qoway ari, nispa.

1 Samuel 22:18

Chayrayku kuraj kamachejqa Edom llajtayoj Doegta kamacherqa: Paykunata wañuchiy, nispa. Doegtaj sacerdotekunaj contrankupi sayaykuspa, pusaj chunka phishqayojta wañucherqa. Paykunaqa linomanta ruwasqa unkuyoj kasharqanku.

1 Samuel 23:6

Chaykamarí Keila llajtapi Davidwan ujchakuyta munaspa, Ajimelecpa churin Abiatar Diospa munayninta watuna unkuta apariykukuspa rerqa.

1 Samuel 23:9

Davidtajrí Saúl payta jap'ej jamunayashasqanta yachaspa, sacerdote Abiatarta kamacherqa Tata Diosta tapuna unkuta apamunanta.

1 Samuel 30:7

Chantá Davidqa Ajimelecpa churin sacerdote Abiatarta nerqa: Ama jinachu kay, Diospa munayninta tapuna unkuta aparimuway, nispa. Abiatartaj unkuta Davidman jaywarqa.