Oseas 3:1 - DIOSPA QHELQACHISQ

¹ Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Qheshwa Biblia DC

¹ Señor ujtawan nillawarqataj: Riy munakamuy kausaqempa qhencha warminta, kausaqen munakullantaj chayta. Israelitaspa, mana rejsisqa dioskunasninkuman kutiripojtinku jinataj jaywajtinkupis, chay lantisninkuman, chayllamantataj mikhojtinkupis, uva ch'akisqasmanta tortasta ruwaspa, nispa.

DIOSPA QHELQACHISQAN DEUTEROCANONICAL

¹ Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Oseas 3:1 ပူးပေါင်းရင်းမြစ်များ

2 Samuel 6:19

Jinapi David chaypi kajkunaman mikhunankupaj qorqa sapa ujman uj t'antata, uj chhikan aycha kankata, palma poqoymanta t'antata, chantá uva k'isata ima. Chaymantataj tukuyninku wasinkuman kutiporqanku.

2 Reyes 13:23

Chaywanpis Tata Diosqa paykunamanta khuyakorqa, Abrahamwan, Isaacwan, Jacobwan ima tratota ruwasqanraykutaj, israelitakunata mana saqerpayarqachu. Chayrayku Tata Diosqa ñawpaqenmanta mana paykunata wijch'uyta, nitaj chinkachiytapis munarqachu. Kunankama ajina kashan.

1 Crónicas 16:3

Chantá tukuy israelitakunaman, sapa ujman qorqa uj t'antata, uj mat'a aychata, uva k'isamanta ruwasqa t'antatawan.

Nehemías 9:31

Chaywanpis jatun khuyakuyniykirayku mana tukuyninkutachu tukucherqanki, nitaj paykunata saqerparerqankichu, khuyakoj Dios, munakuyniyojtaj kasqaykirayku.

Salmos 123:2

Imaynatachus wata runa patronninta qhawan, jinallatataj warmi wata runapis patronanta qhawan, ajinata noqaykupis, Tata Dios, qan qhawarisqalla kayku, khuyakunawaykuta suyaspa.

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

TAKIYKUNA 2:5

Uva k'isamanta t'antata, manzanatapis mikhuchiwaspa, kallpachawaychej, imaraykuchus munakunawanmanta wañushaniña.

Isaías 45:22

Tukuy kay pachapi tiyakojkuna, qhespichisqa kanaykichejpaj noqaman jamuychej. Noqamin Dios kani, manataj waj Dios kanchu.

Jeremías 3:20

Chaywanpis qankunaqa, imaynatachus uj warmi qosanta wasanchan, ajinata wasanchawarqankichej. Noqa Tata Diosmin chayta nini.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Oseas 11:8

Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 4:11

Sajra purikoj warmiwan purina, vinowan machana imaqa yuyayta chinkachin.

Oseas 7:5

Kuraj kamachej raymita ruwajtin, kurajkunaqa yuyayninkuta chinkachinankukama vinota ujyanku. Kuraj kamachejpis alqochakojkunaman k'askakun.

Amós 2:8

Prendasqa p'acha patapi altar qayllapi winkuspa, millayta ruwanku. Multa sik'isqankuwan vinota rantikuspa, diosninkoj wasinpi macharikunku.

Amós 6:6

Jatuchaj copapi vinotapis ujyankichej, sumachaj q'apashaj jawinawan jawikunkichej, manataj llakikunkichejchu llajtaykichej mana allin kashasqanmanta.

Miqueas 7:7

Noqatajrí Tata Diospi atinikusaj, qhespichiwajniy Diosnillaypi atinikuspa suyakusaj, imaraykuchus pay mañarikusqayta uyariwanqa.

Zacarías 1:16

Chayrayku noqa Tata Dios nini: Noqaqa Jerusalenmanta watej khuyarikusaj. Temploypis watej sayarichisqa kanqa, nispa.

San Mateo 26:50

Chantá Jesús payta nerqa: Kawsaqe, ruwanaykitaqa ruwallayña, nispa. Jinapitaj Judaswan jamojkuna chimpaykuspa, Jesusta presocharqanku.

1 Corintios 10:21

Qankuna mana atinkichejchu Tukuyta Kamachej Jesuspa copanmanta ujyashaspa, supaykunaj copanmantapis ujyayta. Nillataj atinkichejchu Tukuyta Kamachej Jesuspa Cenanmanta mikhuyta, supaykunaj mikhunanmantapis mikhuyta.

1 Corintios 10:7

Chayrayku qankunaqa lantikunata ama yupaychaychejchu, imaynatachus paykunamanta wakin yupaycharqanku, jinataqa. Diospa Qhelqachisqanpi nin: Chay runakunaqa mikhunankupaj, chantá ujyanankupaj ima tiyarikorqanku. Chaymantataj tukuy imaymanata ruwaspa kusiririkorqanku, nispa.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.