Oseas 2:8 - DIOSPA QHELQACHISQ

⁸ 8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

Qheshwa Biblia DC

⁸ Payrí mana rejsiwarqachu, noqamin kasqayta pichus qoj trigota, vinota aceitetapis: Pichus astawan yapaykusqanta qolqenta qorintapis, chaykunawantaj lantikunata ruwanampaj.

DIOSPA QHELQACHISQAN DEUTEROCANONICAL

⁸ 8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

Oseas 2:8 ပူးပေါင်းရင်းမြစ်များ

1 Crónicas 29:16

Tata Diosniyku, Temploykita ruwanapaj tukuy imata qosqaykuta qanmin qowarqayku, qanpatataj kanku.

Job 19:8

Diosqa noqa ama pasanaypaj purinayta wisq'aykuwan, paymin ñanniyta laqhaman tukuchin.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 46:6

Wakinkunaqa wayaqankumanta qorita orqhonku, chayrí qolqe metalta romanapi aysanku. Chaymantataj lanti ruwajta mink'aspa, lantita ruwachinku. Chantá chay ruwasqa diosman qonqorikuspa, payta yupaychanku.

Jeremías 7:18

Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Ezequiel 23:41

Chantá sumaj k'achanchasqa puñuna patapi tiyarikorqanku. Mesapipis mikhuna wakichisqaña karqa. Chaymantaj noqapaj t'aqasqa inciensoyta, aceiteytawan churarqanku.

Daniel (hebreo) 3:1

Uj kuti kuraj kamachej Nabucodonosorqa qorimanta uj lantita ruwacherqa. Chay lantej sayaynenqa kinsa chunka metro karqa, rakhuntaj kinsa metro. Chantá Nabucodonosor kamacherqa Babilonia suyupi, Dura nisqa cheqapi chay lantita sayachinankuta.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Oseas 13:1

Efraín ayllu parlarejtenqa, Israelmanta wakin ayllukuna kharkatitej kanku, paytataj maypaj qhawaj kanku. Chaywanpis Efrainqa Baalta yupaychasqanrayku juchachakuspa wañorqa.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 4:11

Sajra purikoj warmiwan purina, vinowan machana imaqa yuyayta chinkachin.

Oseas 8:4

Mana ch'ijllasqallayta kuraj kamachejkunata churakunku. Kuraj kamachejkunatapis ajllakunku, mana tapuriwaspalla. Qolqe metalmanta, qorinkumantapis lantikunata ruwakunku, paykuna kikinku mana allinninkuta tarikunankupaj.

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

San Lucas 15:13

Mana unaymanchu sullk'a kaj churi tukuy chayaqenta vendeytawan, chay qolqeta tantaykuspa, karu llajtaman ripusqa. Jaqaypitaj tukuy qolqenta tukuchisqa mana allinta purispa.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Deuteronomio 8:18

Aswanpis Tata Diosniykichejmanta yuyarikuychejpuni, imaraykuchus paymin tukuy imata tarispa, qhapajyanaykichejpaj kallpata qosunkichej. Ajinatamin payqa ñawpa tataykichejwan trato ruwasqanta, qankunawan junt'anqa, imaynachus kunan kashan, ajinata.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.