Oseas 2:5 - DIOSPA QHELQACHISQ

⁵ 5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Qheshwa Biblia DC

⁵ Maman qhenchachakorqa, honranta t'akarqa kay jinata nispa: Risaj mask'amusaj munasqasniyta, paykuna qowanku t'antayta, ujyanayta, millmayta, linoytapis, chantá aceiteyta ujyanasniytapis.

DIOSPA QHELQACHISQAN DEUTEROCANONICAL

⁵ 5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 2:5 ပူးပေါင်းရင်းမြစ်များ

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 6:8

Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Ezequiel 16:35

Chayrayku qan, phisu warmi, Tata Diospa nisqanta uyariy:

Ezequiel 16:39

Paykunaj makinkuman jaywaykusqayki, paykunataj khuchichakunayki cheqakunata, chantá lanti yupaychanayki cheqakunatawan thuñiykonqanku. Chantá p'achaykikunata lluch'usonqanku, walqaykikunata qhechuspataj, q'alallata saqerpayasonqanku.

Ezequiel 16:4

Paqarisqayki p'unchayqa pupuykita mana khuchusorqankuchu, yakuwan mana mayllasorqankuchu, mana kachiwan qhaqosorqankuchu, nitaj chumpiwan k'irusorqankuchu.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Oseas 2:8

8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

Oseas 3:1

Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Oseas 4:5

Qankunaqa sut'i p'unchaypi urmankichej, tutantaj noqamanta sut'inchajkunapis qankunawan khuska urmallanqankutaj. Mamaykichejtapis chinkarparichisaj.

Oseas 8:9

Efrainqa sapan purikoj k'ita burro jina yanapata mañakoj Asiriaman risqa, khuchichakunanpajtaj qolqewan waynankunata mink'akusqa.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Amós 8:13

Chay p'unchayqa k'acha sipaskuna, wapu waynakunapis yaku ch'akiywan llawch'iyanqanku.

Jueces 16:23

Unay tiemponman filisteokunaj kurajninkukuna tantaykukorqanku jatun raymita ruwanankupaj Sansonta jap'isqankumanta jinataj Dagón diosninkuman uywa ñak'asqata jaywanankupajwan. Kay jinatataj takerqanku: Diosninchej jaywaykuwanchej awqanchej Sansonta, nispa.