Oseas 2:3 - DIOSPA QHELQACHISQ

³ 3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Qheshwa Biblia DC

³ Mana chayqa imaynatachus nacerqa chay p'unchaypi jina q'alallata saqesaj, ch'aki jallp'a ch'in pampaman tukuchisaj, yaku ch'akiywantaj wañuchisaj.

DIOSPA QHELQACHISQAN DEUTEROCANONICAL

³ 3 (5) Manachus saqenqa chayqa, imaynatachus paqarerqa, ajina q'alallata saqesaj. Ch'in ch'aki jallp'a jinaman tukuchisaj, yaku ch'akiywantaj wañuchisaj.

Oseas 2:3 ပူးပေါင်းရင်းမြစ်များ

Éxodo 17:3

Chaywanpis israelitakunaqa manchay yaku ch'akiywan kaspa, Moisespaj thutorqanku: Ima nispataj Egiptomanta orqhomuwarqaykuri? Wawaykuta, uywaykutawan yaku ch'akiymanta wañuchinawaykupajchu kayman pusamuwayku? nispa.

Isaías 33:9

Israel suyu llakisqa, onqosqataj kashan, Libanopis may p'enqaywan qawisqa kashan. Sarón vallepis q'ara pampaman tukupun, Basán jallp'awan, Carmelo jallp'awanqa t'ojrapacha kashan.

Isaías 47:3

Q'ara ukhuyki rikukonqa, p'enqayniykipis sut'ipacha kanqa. Mana khuyarikuspa, qanmanta vengakusaj, manataj pipis jark'ayta atiwanqachu.

Isaías 64:10

Ajllakusqayki llajtakunaqa chay jina ch'inpachaman tukunku. Sión llajtaqa ch'inpacha, Jerusalenpis laqayalla.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 13:26

Noqapis qanta q'alallata sayachisqayki, p'enqayniykita tukuy rikunankupaj.

Jeremías 14:3

Qhapajkunaqa uywasqankuta yakuman kachanku, paykunataj yaku qochapi mana yakuta tarinkuchu, ch'usaj p'uñuyojlla kutipunku. P'enqakuymanta uyankuta mana mayman churayta atispa, umankutapis qhataykukunku.

Jeremías 17:6

Chay runaqa t'ajra pampapi wiñakoj retama jina kanqa. Allin kawsayta ni rejsillanqapischu. Manachayqa rumi loqho ukhupi kawsanqa, ni pejpa tiyakunan k'ara pampapi.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 22:6

Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 51:43

Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.

Jeremías 51:5

Israel aylluwan, Judá aylluwanqa noqa pichus Israelpa May Llimphu Kaj Diosnin kajpa contraypi juchallerqanku, suyunkutaj juchallisqankuwan junt'a kashan. Chaywanpis noqa Israelpa Tukuy Atiyniyoj Tata Diosnin mana paykunata saqerparinichu.

Ezequiel 16:22

Chhika millayta purisqaykiwan, ujwan ujwantaj khuchichakusqaykiwan ima mana wawa kasqaykimanta yuyarikorqankichu. Manallataj yuyarikorqankichu imaynatachus mana p'achayoj q'alalla karqanki, kikin yawarniykipitaj sunt'ichasharqanki, chaymantapis.

Ezequiel 19:13

Kunanqa ch'innejpi mallkisqa kashan, ch'aki jallp'api, t'ajra pampapitaj.

Oseas 13:15

Qhora jinapis Israel t'ikarichun. Inti llojsimuynejmanta wayra phukuspa, Tata Diospa phukusqan wayra, tukuy yaku qochankunata jinataj juturinkunatawan ima ch'akirparichenqa. Awqantaj qhechonqa tukuy ima waqaychasqanta.

Oseas 2:10

10 (12) Chaymanta waynankunaj ñawpaqenkupi millay puriyniyoj kasqanta rikuchisaj. Ni pi payta makiymanta kacharichenqachu.

Apocalipsis 17:16

Puka sierpe, jinallataj chunka wajrankuna ima phisu warmita chejnenqanku. Chayrayku tukuy imanta qhechuspa, q'alallata saqerpayanqanku. Chantá aychanta mikhonqanku, puchojtataj ninaman choqaykuspa, ruphaykuchenqanku.

Jueces 15:18

Chaymantaqa Sansón yakumanta mayta ch'akichikushaspa, Tata Diosman mañakorqa: Imapajtaj atipayta yanapawarqankiri? Kunanqa yaku ch'akiywan wañusajchu qanta mana rejsejkunaj makinkupi? nispa.