Oseas 2:20 - DIOSPA QHELQACHISQ

²⁰ 20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Qheshwa Biblia DC

²⁰ Noqa qanwan warmichakusaj, cheqamanta qanllapajtaj kasaj; qanrí, Señorta jina rejsiwanki.

DIOSPA QHELQACHISQAN DEUTEROCANONICAL

²⁰ 20 (22) Noqa qanwan casarakusaj, manataj piwanpis wasanchasqaykichu. Chaypachataj Tata Diosniyki kasqayta rejsiwanki.

Oseas 2:20 ပူးပေါင်းရင်းမြစ်များ

Génesis 9:10

Jinallataj qankunawan khuska jatun barcomanta llojsimojkunawan tratota ruwallasajtaj: Phawajkunawan, uywakunawan, k'ita animalkunawan, kay pachapi kaj chhika animalkunawan ima.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 32:41

Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Ezequiel 16:62

Tratota watej qanwan ruwasaj. Ajinamanta noqa Tata Dios kasqayta yachanki.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Ezequiel 34:25

Chantá allin kawsay tratota paykunawan ruwasaj. Suyunkumantaqa tukuy phiña animalkunata chinkachisaj, ovejaykuna mana imamanta manchachikuspa ch'in pampapi tiyakunankupaj, montepipis puñukunankupaj.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Ezequiel 38:23

Ajinata ruwaspa, jatun kayniyta, chantá may llimphu Dios kasqayta sut'inchasaj. Jinataj kay pachamanta tukuy runaman rejsichikusaj. Chaypachataj tukuyninku yachanqanku noqa Tata Dios kasqayta, nispa.

Oseas 13:4

Tata Dios nin: Noqa Tata Diosniyki kani, Egipto suyupi kashasqaykimantapacha. Ama pitapis Diosniykita jina rejsikapuychu, manachayqa noqallata. Noqallamin Qhespichejniyki kani.

Oseas 2:19

19 (21) Israel, noqa qanwan wiñaypaj casarakusaj. Kamachisqapi nisqanman jina cheqapuni warmiy kanki, imaraykuchus tukuy sonqoywan munakuyki.

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

Levítico 26:5

Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Levítico 26:6

Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Miqueas 4:3

Tukuy suyukuna ukhupi Tata Dios justiciata ruwanqa, jinataj karupi kaj may chhika atiyniyoj suyukunata cheqan ñanman churanqa. Chaypacha paykuna espadankuta rejaman tukuchenqanku, lanzankutapis trigo ruthunaman. Ni mayqen suyupis armankunata maqanakunapaj oqharenqachu, nitaj maqanakunapaj wakichikonqachu.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Lucas 10:22

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nillataj pipis yachanchu pichus Tata kasqanta, manachayqa Churillan yachan, jinallataj pimanchus Churi rejsichiyta munan, chaypis, nispa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 8:55

Qankuna mana payta rejsinkichejchu, noqatajrí payta rejsini. Noqachus niyman: Mana rejsinichu, nispa chayqa, qankuna jina llulla kayman. Noqarí payta rejsini, nisqantataj junt'ani.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Hebreos 8:11

Manaña pipis runa masinta yachachenqañachu, nitaj wawqentapis nenqachu: Tata Diosta rejsinayki tiyan, nispa, imaraykuchus tukuy rejsiwanqanku, sullk'amantapacha kurajninkukama.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.