Oseas 2:2 - DIOSPA QHELQACHISQ

² 2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Qheshwa Biblia DC

² Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

DIOSPA QHELQACHISQAN DEUTEROCANONICAL

² 2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Oseas 2:2 ပူးပေါင်းရင်းမြစ်များ

Isaías 11:12

Tata Diosqa uj wiphalata señalta jina oqharenqa, karu suyuman apasqa israelitakunatataj ujllaman tantaykonqa. Judá suyumanta ch'eqerasqa kajkunatapis kay pachaj tukuy k'uchunmanta tantamonqa.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 19:3

Niy: Judamanta kuraj kamachejkuna, Jerusalenpi tiyakojkunapis, Tata Diospa nisqanta uyariychej: Israelpa Diosnin Tukuy Atiyniyoj Tata Dios ajinata nin: May jatun ñak'ariyta kay cheqaman kachaykamusaj, pikunachus chayta uyarejkunataj mana ima niyta atishaj qhepakonqanku.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Ezequiel 16:20

Jinallataj noqapaj rejsisqayki warmi wawakunata, chantá qhari wawakunatapis lantikunaman qaraykorqanki. Qanpaj khuchi warmiman tukusqayki pisichu karqa?

Ezequiel 16:25

Llajtaman yaykuna sapa ñanllapi lantikunapaj uj cheqata ruwakorqanki. Ajinamanta k'acha kayniykita millayman tukucherqanki. Tukuy chaynejta pasajkunaman ukhuykita jaywarqanki, sapa kutitaj khuchichakorqanki.

Ezequiel 20:4

Runaj churin, paykunata qan juzgay. Arí, paykunata juchachaspaqa, ñawpa tatankoj millay ruwasqankuta reparachiy.

Ezequiel 23:43

Chantá sonqoy ukhupi nerqani: Chay jina khuchichakuywan sayk'usqa warmiwan puñuykunkumanchuri? Chay warmikunaqa manaña puñuykunapajpis allinñachu kanku, nispa.

Ezequiel 23:45

Chayrayku cheqan kawsaj runakunaqa chay khuchi warmikunata juchachanqanku kamachisqankuman jina, imaynatachus phisu warmikunata chantá runa wañuchejkunata juchachanku, ajinata. Ajinata ruwanqanku, imaraykuchus paykunaqa khuchichakuspa purej, runa wañuchitaj kanku, nispa.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 2:1

1 (3) Chaypacha qankuna wawqeykichejkunaman ninkichej: Diospa ayllun kankichej, nispa. Panaykichejkunamantaj ninkichej: Diospa khuyasqan kankichej, nispa.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

Oseas 4:5

Qankunaqa sut'i p'unchaypi urmankichej, tutantaj noqamanta sut'inchajkunapis qankunawan khuska urmallanqankutaj. Mamaykichejtapis chinkarparichisaj.

Miqueas 2:13

Kamachejninku ñanta kichaspa, ñawpaqenkuta renqa, paykunataj payta qhatispa, llajta punkunta llojsenqanku. Noqa Tata Diosmin kuraj kamachejninku kaspa, ñawpaqenkuta risaj, nispa.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.