Oseas 2:18 - DIOSPA QHELQACHISQ

¹⁸ 18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Qheshwa Biblia DC

¹⁸ Jaqay tiempopeqa Israelman kutisqata uj tratota ruwasaj, montepi kaj animaleswan, phawaj p'isqoswan, katariswan ima, jinallatataj kay jallp'amanta qhechusaj, wach'inasta, t'ojsinasta, maqanakustapis, jinamanta llajtayqa ni imata manchachikuspa sumajta samarikunampaj.

DIOSPA QHELQACHISQAN DEUTEROCANONICAL

¹⁸ 18 (20) Chaypachallataj noqa israelitakunaj allinninkupaj tratota ruwasaj k'ita animalkunawan, p'isqokunawan, katarikunawan ima. Jinallatataj kay suyumanta chinkachisaj flechakunata, maqanakutapis, ajinamanta aylluy mana manchachikuspa samarikunanpaj.

Oseas 2:18 ပူးပေါင်းရင်းမြစ်များ

Job 5:22

Yarqhay kajtin, mana allin kajtinpis asikunki. K'ita phiña animalkunamantapis mana manchachikunkichu.

Job 5:23

Jallp'ayki rumiraralla kajtinpis, chajra poqonanta mana jark'anqachu, k'ita animalkunapis kawsaqeykikuna kanqanku.

Salmos 148:10

Jinallataj tukuy uywakuna, k'ita animalkuna, qhatatakoj animalkuna, tukuy p'isqokuna ima, tukuypuni Tata Diosta yupaychallaychejtaj.

Salmos 23:2

Q'omer pampapi michiwan, ujyanaypajtaj misk'i yakuman pusawan.

Salmos 46:9

9 (10) Tukuy kay pachapi maqanakuta ch'inyachin. Flecha kacharina arcota, lanzata ima p'akiran, maqanakupaj ruwasqa carretakunatapis ruphaykuchin.

Isaías 2:11

Uma oqharej runa k'umuykuchisqa kanqa, runaykachaj runataj pampaman urmachisqa kanqa. Chay p'unchaypi Tata Dioslla jatunchasqa kanqa.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 26:1

Chay p'unchaypi kay takiyta Judá suyupi takenqanku: Kunanqa perqawan sumaj jark'achasqa llajta tiyapuwanchej. Tata Dios qhespichinawanchejpaj jatuchaj perqakunata sayarichipuwarqanchej.

Isaías 32:18

Aylloyqa ni imamanta llakikuspa tiyakonqa, ni pej ima ninan tiyakunapi, chaypitaj samarikonqa.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Isaías 65:25

Atojwan, ovejawanqa khuska mikhonqanku. Leonqa waka jina ichhuta mikhonqa. Kataritaj ñut'u jallp'ata mikhonqa. Chay ajllakusqay orqopeqa manaña pipis aylluyta llakichenqachu, manañataj pipis paykunata ñak'arichenqankuchu, nispa. Ajinata Tata Dios nin.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 33:16

Chay p'unchaypi Judapi tiyakojkuna kacharichisqa kanqanku, Jerusalentaj sumaj waqaychasqa kawsakonqa. Chaypacha kay jina sutiwan sutichasqa kanqa: Tata Diosmin Noqanchejpaj Justiciata Ruwaj, nispa.

Ezequiel 34:25

Chantá allin kawsay tratota paykunawan ruwasaj. Suyunkumantaqa tukuy phiña animalkunata chinkachisaj, ovejaykuna mana imamanta manchachikuspa ch'in pampapi tiyakunankupaj, montepipis puñukunankupaj.

Ezequiel 39:1

Qan, runaj churin, Gogpa contranpi sut'inchaspa, niy: Tukuyta Kamachej Tata Dios kay jinata nisunki: Mesecpata, Tubalpatawan kuraj kamachejninku Gog, noqa contraykipi kashani.

Zacarías 14:4

Chay p'unchaypitaj Tata Dios Olivos nisqa orqopi sayanqa, mayqenchus Jerusalén llajtaj inti llojsimuyninnejpi kashan, chaypi. Jinallataj Olivos nisqa orqoqa iskayman t'aqakonqa, inti llojsimuynejmanta inti yaykuynejkama, chawpinpitaj uj valle rikhurenqa. Khuskan orqoqa wichaynejman apasqa kanqa, khuskannintaj uraynejman.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Zacarías 2:11

11 (15) Chaypacha ashkha runakuna Tata Diosman jamonqanku, paytaj nenqa: Kay runakunapis ayllullaytaj kanqanku. Noqataj qankunawan khuska kawsakusaj, nispa. Ajinamanta yachankichej Tukuy Atiyniyoj Tata Diosmin noqata qankunaman kachamuwasqanta.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.

Zacarías 9:10

Paymin Efrainpa carretankunata phirenqa, Jerusalenpa caballonkunatapis chinkachenqa, jinallataj flechana arconkutapis p'akirparenqa. Chantá tukuy suyukunaman allinpi kawsakuymanta willaranqa, kamachenqataj uj mama qochamanta ujnin mama qochakama, Éufrates mayumantapachataj kay pachaj tukukuyninkama.