Oseas 2:11 - DIOSPA QHELQACHISQ

¹¹ 11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Qheshwa Biblia DC

¹¹ Kusikunasnin manaña kanqachu: Chay fiestasnin killa rikhurimuykunasnin samakuna p'unchaykunasnin tukuy kaj kusikuna p'unchaykunasnimpis.

DIOSPA QHELQACHISQAN DEUTEROCANONICAL

¹¹ 11 (13) Kusikuyninta chinkachisaj, nitaj mosoj killapi raymikuna, samarina p'unchaykuna, tukuy jatun raymikuna ima kanqachu.

Oseas 2:11 ပူးပေါင်းရင်းမြစ်များ

1 Reyes 12:32

Chantá Jeroboanqa pusaj kaj killapi, chunka phishqayoj p'unchay kajpi kamacherqa Betelpi uj raymita ruwanankuta, imaynatachus jatun raymita Judapi ruwaj kanku, ajinata. Jinataj altar patapi waka uña lanti ruwasqaman uywa ñak'asqata jaywarqa. Kamachillarqataj loma patapi yupaychana wasikunata ruwachisqanpaj sacerdote kanankuta.

Jeremías 16:9

Noqa Israelpa Diosnin Tukuy Atiyniyoj Tata Dios kayta nini: Noqa kay suyupi raymi takiyninkuta ch'inyachisaj, jinallataj kusikuyninkuta chantá casarakupi takiyninkutapis. Chayqa chay p'unchaykunapi qankunaj rikunaykichej kanqa.

Jeremías 25:10

Qankuna ukhupi kusiy wayñu, raymi takiykunapis manaña uyarikonqachu, nitaj casarakojkunaj takirisqankupis. Jinallataj maranpi kutanapis mana uyarikonqachu. Lamparakunapis manaña rikukonqachu.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Ezequiel 26:13

Ajinata noqa Tata Diosqa takisqaykita ch'inyachisaj, manataj arpaykej waqasqan uyarikonqañachu.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Oseas 5:7

Tata Diosta wasancharqanku, wawankukunapis waj tatayoj kanku. Chayrayku, kunanqa uj killallapi jallp'ankupis, paykunapis chinkachisqa kanqanku.

Levítico 26:20

Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.

Amós 5:21

Tata Dios nillantaj: Yupaychanawaykichejpaj raymikunata chejnikuni, millachikunitaj. Sutiypi jatun tantakuyniykichejtapis mana awantayta atinichu.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Amós 8:5

Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.