Oseas 14:4 - DIOSPA QHELQACHISQ

⁴ Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Qheshwa Biblia DC

⁴ Señor nin: Noqa jampisaj juchachakusqankumanta; noqa munakusaj mana merecesqankuraykupis, imaraykuchus phiñakuyneyqa paykunamanta t'aqakapunña.

DIOSPA QHELQACHISQAN DEUTEROCANONICAL

⁴ Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 14:4 ပူးပေါင်းရင်းမြစ်များ

Salmos 10:14

Qanqa phiñakunapaj jina mana allin ruwasqankuta rikorqanki, imatachus ruwasqankuman jinataj pagonkuta qopunki. Mana kutichikuyta atejkuna qanllapi atinikusunku. Qanllamin wajcha wawakunata yanapajqa kanki.

Salmos 20:8

8 (9) Paykunaqa llawch'iyaspa, pampaman urmanku, noqanchejrí mana urmaspa sayashanchej.

Salmos 78:38

Diostajrí khuyakuyniyoj kaspa, mana allin ruwasqankuta pampachaj, paykunata mana tukuchispalla. Tata Dios ashkha kutita phiñakuyninta ñit'iykukorqa, manataj phiñakuyninwan atipachikorqachu.

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Isaías 12:1

Chay p'unchaypi ninki: Pachis pachis, Tata Diosníy. Qanqa noqapaj maytapuni phiñakorqanki, chaywanpis chay jina k'araj phiñakuyniykeqa manaña kanchu, aswanpis sonqochawanki.

Isaías 55:1

Tukuy ch'akichikojkuna, jamuychej yakuta ujyaj. Mana qolqeyojkuna, jamuychej. Mana qolqellawan trigota rantikuspa, mikhuychej. Jamuychej, mana pagaspalla vinota lechetapis ujyaychej.

Isaías 57:18

Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 33:6

Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Ezequiel 33:14

Ichapis mana allinta ruwaj runata noqa niyman: Qan juchaykirayku wañunkipuni, nispa. Paytajrí juchanmanta kutirikuspa, allinta purinman, cheqantataj ruwanman.

Ezequiel 36:36

Jinapi muyuyniykichejpi qhepakoj runakunaqa yachanqanku noqa Tata Diosmin thuñisqa kaj llajtakunata watej sayarichisqayta. Yachallanqankutaj ch'in pampaman tukuchisqa karqa, chay jallp'api noqamin tukuy imata poqochisqayta. Noqa Tata Diosmin chayta nini, ruwasajtaj.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 2:19

19 (21) Israel, noqa qanwan wiñaypaj casarakusaj. Kamachisqapi nisqanman jina cheqapuni warmiy kanki, imaraykuchus tukuy sonqoywan munakuyki.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Números 25:11

Israelitakunaj contrankuta phiñakusqayta Eleazarpa churin Finés tiyaykuchin, imaraykuchus noqajta jinallataj paypa sonqonpis chay juchamanta t'impurerqa. Chayrayku israelitakunaj contrankuta sinch'ita phiñakushaspapis, mana paykunata tukucherqanichu.

Números 25:4

Chantá Tata Dios Moisesta nerqa: Israelitakunaj tukuy kurajninkuta jap'ispa, noqaj ñawpaqeypi sut'i p'unchaypi sipiy. Ajinallamanta israelitakunaj contrankupi k'araj phiñakuyniy tiyaykonqa, nispa.

Romanos 3:24

Chaywanpis Diosqa qhasilla k'acha yanapayninrayku, Cristo Jesusnejta cheqan runapaj qhawawanchej. Cristomin wañuspa, juchanchejmanta jasut'isqa kanamanta kacharichiwarqanchej.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Tito 3:4

Chaywanpis maypachachus Qhespichiwajninchej Dios k'acha kayninta, chantá munakuyninta ima rejsicherqa chaypacha, pay qhespichiwarqanchej.