Oseas 14:3 - DIOSPA QHELQACHISQ

³ Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Qheshwa Biblia DC

³ Asiriaqa manamin salvayta atiwasqaykuchu, nillataj caballospipis ayqesqaykuchu. Manaña kayqa Diosniyku nispa, noqaykoj kikiykoj ruwasqasnillaykutaqa sutichasqaykuchu; imaraykuchus qanllapimin Señor uj wajcha wawaqa khuyakuyta tarenqa.

DIOSPA QHELQACHISQAN DEUTEROCANONICAL

³ Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Oseas 14:3 ပူးပေါင်းရင်းမြစ်များ

2 Crónicas 16:7

Chay tiempopi Diosmanta sut'inchaj Jananiqa Judáj kuraj kamachejnin Asaman rispa, nerqa: Tata Diospi atinikunaykitaqa, qanqa Siriaj kuraj kamachejninpi atinikorqanki. Chayrayku Siriaj soldadonkunata jap'inaykipaj kashajtin, llusp'inku.

Salmos 10:14

Qanqa phiñakunapaj jina mana allin ruwasqankuta rikorqanki, imatachus ruwasqankuman jinataj pagonkuta qopunki. Mana kutichikuyta atejkuna qanllapi atinikusunku. Qanllamin wajcha wawakunata yanapajqa kanki.

Salmos 146:3

Atiyniyojkunapi ama atinikuychejchu, imaraykuchus paykuna runalla kaspa, mana yanapayta atisonqachejchu.

Salmos 146:9

Tata Diosqa waj llajtayojkunata waqaychan. Payqa warmisapakunata, wajcha wawakunatapis qhawarin. Millayta ruwaspa purejkunaj yuyasqankutatajrí pantachin.

Salmos 33:17

Maqanakupi atipanapaj caballokunaqa qhasi manakajlla. May jina kallpayoj kashaspapis, mana atinkumanchu pitapis qhespichiyta.

Salmos 68:5

5 (6) Ajllakusqan wasipi tiyakoj Diosqa mana tatayoj mana mamayoj wawakunaj tatanku, warmisapakunaman kutikojtaj.

Isaías 1:29

Chantá qankunaqa encina sach'akunata chay jinatapuni yupaychasqaykichejmanta p'enqachikunkichej. Jinallataj mayqen huertatachus lantikunata yupaychanaykichejpaj ajllasqaykichejmantawan p'enqakullankichejtaj.

Isaías 2:20

Chay p'unchaykunapi runakuna qorimanta, qolqe metalmanta yupaychanankupaj ruwakusqanku lantikunata saqenqanku. Chay dioskunankutaqa juk'uchakunaman, chiñikunaman ima wijch'uykonqanku.

Isaías 27:9

Ajinamanta Jacobpa millay ruwasqan pampachasqa kanqa. Chay runakunaj juchanku pampachasqa kasqanmantataj paykuna kayta ruwanqanku: Lantikunaj altarninkoj tukuy ruminta, cal rumita jina ñut'usqata ruwanqanku. Lanti Asera k'ullukunatapis manaña sayajta saqenqankuchu, nitaj lantiman inciensota q'oshñichina altarkunatapis.

Isaías 30:16

Aswanpis qankuna nerqankichej: Mana qanman chimpayta munaykuchu, aswanpis caballokunapi ayqesqayku, nispa. Arí, ajinatapuni ayqenkichej. Chaymantá nillarqankichejtaj: Sumajta correj carretakunaman wicharisqayku, nispa. Arí, chaywanpis qankunata qhatiykojkunaqa imata jina taripasonqachej.

Isaías 30:2

Usqhay usqhayta Egiptoman rerqanku mana noqata tapuriwaspalla, faraonwan yanapachikunankupaj, Egiptoj ojllayninpitaj waqaychasqa kanankupaj.

Isaías 31:1

Ay imallachus kanqa, pikunachus yanapata mask'aspa Egiptoman urayk'unku, chaykunapaj. Paykunaqa Egiptomanta caballokunapi atinikunku, maqanakunapaj ashkha carretakunapi, jinallataj wapu soldadokuna carretata apaychajkunapi ima. Chaywanpis manapuni Israelpa May Llimphu Kaj Diosninku yanapananta mañakunkuchu, nitaj Tata Diosta mask'ankuchu.

Isaías 31:3

Egiptomanta kajkunaqa runakunalla kanku manataj dioskunachu. Caballonkunaqa aychallamanta kanku, manataj espirituchu. Chayrayku Tata Dios atiyninwan ñak'arichejtin, pichus yanapaj urmanqa, jinallataj yanapachikojpis. Jinamanta iskayninku ujllapi urmachisqa kanqanku.

Isaías 36:8

Kunanqa uj tratota ruway ari Asiriamanta wiraqochi kuraj kamachejniywan. Chantá noqa qosqayki 2.000 caballokunata, sichus chay caballokunapi lloq'anankupaj soldadokunata tariwaj chayqa.

Jeremías 49:11

Chaywanpis wajcha wawaykikunata saqeway, noqa qhawapusqayki. Warmisapaykikunapis noqapi atinikuwanqanku, nispa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 37:23

Manañataj millay lantikunata yupaychaspa ch'ichichakonqankuchu, nitaj millayta ruwanqankuchu, nillataj contrayta oqharikonqankuchu. Noqa paykunata kacharichisaj, maypichus juchallikorqanku, chay cheqamanta, paykunatataj llimphuchasaj. Ajinamanta aylluy kanqanku, noqataj paykunaj Diosninku kasaj.

Oseas 12:1

1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

Oseas 2:17

17 (19) Siminmanta qhechusaj Baal sutita oqharisqanta, nitaj jayk'aj sutillantapis oqharenqañachu.

Oseas 4:12

Chayrayku aylloyqa k'ullumanta lantikunallata tapukunku, jinataj chay k'ullu kutichinanta suyanku. Lantikunata yupaychaspa khuchichakunku. Paykunaqa Diosninkumanta t'aqakunku sajra puriyman qokunankupaj.

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Oseas 8:6

Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

Oseas 8:9

Efrainqa sapan purikoj k'ita burro jina yanapata mañakoj Asiriaman risqa, khuchichakunanpajtaj qolqewan waynankunata mink'akusqa.

Jonás 2:10

10 (11) Chaymanta Tata Dios chay jatun challwata kamacherqa mama qocha kantuman rispa, Jonasta ajturparinanta.

Zacarías 13:2

Chay p'unchaypi tukuy kay suyumanta lantikunata chinkachisaj, jinamanta manaña pipis sutinkumanta yuyarikunanpaj. Jinallatataj llulla sut'inchajkunatapis chinkachisaj, jinallataj millayta ruway munanata ima. Noqa Tukuy Atiyniyoj Tata Diosmin chayta nini.

San Juan 14:18

Mana sapaykichejta saqesqaykichejchu, manachayqa qankunawan kanaypaj kutirimusaj.

Deuteronomio 17:16

Chay kuraj kamachejqa ama ashkha caballokunata rantenqachu. Nitaj Egiptomanpis astawan caballokunata rantinanpaj runata kachanqachu, imaraykuchus Tata Dios nisorqachejña: Ama jayk'ajpis Egiptoman kutirinkichejchu, nispa.