Oseas 14:2 - DIOSPA QHELQACHISQ

² Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Qheshwa Biblia DC

² Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

DIOSPA QHELQACHISQAN DEUTEROCANONICAL

² Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Oseas 14:2 ပူးပေါင်းရင်းမြစ်များ

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

2 Samuel 24:10

Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

Job 7:21

Manachu juchayta pampachawankiman? Manachu mana allin ruwasqaytapis pampachallawajtaj? Noqaqa ñapis jallp'aj sonqonman yaykupusajña. Mask'awanki, noqataj manaña kasajchu, nispa.

Salmos 119:108

Tata Dios, qanta jatunchasusqayta tukuy sonqo jap'ikuy, kamachisqaykitataj yachachiway.

Salmos 50:14

Aswanpis noqaman pachis nispa nisqaykita jaywariway, chantá noqa Patapi Kaj Diosman imatachus niwasqaykita junt'ay.

Salmos 51:16

16 (18) Mana qanqa uywa ñak'asqa jaywanata munankichu, nitaj uywata ñak'aspa q'olachisqaytapis jap'ikuwankimanchu.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 6:7

Chantá nina k'ajawan simiyman chayaykuchiwaspa, niwarqa: Kay nina simiykiman chayasqanrayku kunanqa juchayki pichasqaña, juchaykimantataj llimphuchasqa kanki, nispa.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Oseas 12:7

7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Oseas 5:5

Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Oseas 6:6

Noqa munakunawaykichejta munani, manataj uywa ñak'asqata jaywanallawaykichejtachu. Diosniykichejta jina rejsikapunawaykichejta munani, manataj uywa ñak'asqata q'olachispa jaywanallawaykichejtachu.

Joel 2:17

Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Jonás 2:9

9 (10) Noqatajrí qanta yupaychaspa, q'olachinapaj uywa ñak'asqata jaywasqayki, imatachus ruwasaj nisusqaytapis junt'asajpuni. Qanllamin, Tata Dios, qhespichiwayta atinki, nispa.

Zacarías 3:4

Chayrayku chay ángel yanapajninkunata kamacherqa: Josuéj ch'ichi p'achanta lluch'uychej, nispa. Chantá Josueman kutirispa, chay ángel nerqa: Qhawariy, chay niyta munan juchayki pampachasqaña kasqanta. Kunantaj kamachisaj llimphu mosoj p'achawanñataj p'achallichisunankuta, nispa.

San Mateo 7:11

Qankunachus mana allin runakuna kashaspa, allin kajta wawaykichejkunaman qoyta yachankichej chayqa, astawanraj janaj pachapi kaj Tataykichejqa mañakojkunaman allin kajta qonqa.

San Lucas 11:13

Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

San Lucas 18:13

Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

San Juan 1:29

Q'ayantin, Bautizaj Juan Jesusta payman jamushajta rikuspa, nerqa: Kaymá Diospa Corderonqa, pichus runakunaj juchankuta pampachaj.

Romanos 11:27

Chantá kaymin paykunawan ruwasqay trato kanqa, maypachachus juchankuta pampachasaj chaypacha, nispa.

2 Timoteo 1:9

Paymin qhespichiwarqanchej, chantá juchamanta t'aqasqa jina kawsananchejpaj wajyawarqanchej, mana allin kajta ruwasqanchejraykuchu, aswanpis imatachus munasqanta junt'ananrayku, chantá qhasilla k'acha yanapayninrayku ima. Ajinata Diosqa Cristo Jesusnejta chay qhasilla k'acha yanapayninta qowarqanchej, manaraj kay pacha ruwasqa kashajtin.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 10:4

Chayqa ajina, imaraykuchus torokunaj, chantá chivokunaj yawarnenqa runaj juchanta manapuni wiñaypaj pampachayta atinchu.

Hebreos 13:15

Chayrayku, Jesucristonejta Tata Diosta yupaychanachej. Ajinata yupaychaspa, Diosman jaywashanchej ima jaywanatachus sapa p'unchay jaywananchej kashan, chayta. Chaynejta payllatapuni Diosninchejpaj rejsikapushasqanchejta rimarishanchej.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Juan 3:5

Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.