Oseas 13:5 - DIOSPA QHELQACHISQ

⁵ Noqamin sansarishaj ch'innejpi waqaycharqayki.

Qheshwa Biblia DC

⁵ Noqamin waqaycharqayki chay rupha q'oñi ch'in pampaspi.

DIOSPA QHELQACHISQAN DEUTEROCANONICAL

⁵ Noqamin sansarishaj ch'innejpi waqaycharqayki.

Oseas 13:5 ပူးပေါင်းရင်းမြစ်များ

Génesis 31:40

Noqaqa p'unchaypi ruphaypa tuntisqan karqani, tutantaj chiriwan pasachikuspa, mana puñuspa ima.

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

Salmos 142:3

3 (4) Llakiywan ñit'isqa kaspa manaña awantayta atishajtiy, qan Tata Dios, maynintachus rinayta yachanki. Awqaykunaqa purinayman urmanaypaj tojllata churawarqanku.

Salmos 31:7

7 (8) Khuyakuyniykipi maytapuni kusikusaj. Qan llakiyniyta cuentaman churanki, phutisqa kashasqaytataj yacharqanki.

Salmos 63:1

1 (2) Diosníy, qanmin Diosniy kanki. Noqataj imata jina qanta mask'ayki, imaraykuchus tukuy sonqo qanpa ñawpaqeykipi karikuyta munani, imaynatachus ch'aki jallp'a yakuta munan, ajinata.

Éxodo 2:25

Chayrayku pay israelitakuna imaynatachus ñak'arishasqankuta rikuspa, paykunamanta khuyakorqa.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Oseas 5:3

Efrainta noqa rejsini. Payqa manamin mana rejsisqa jinachu noqapajqa. Efrainqa phisu warmi jina wajkunawan khuchichakorqa, Israelpis ch'ichichakullarqataj.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Nahúm 1:7

Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

1 Corintios 8:3

Pichus Diosta munakun, chaytaqa Dios paypata kasqanta rejsikapun.

Gálatas 4:9

Kunantajrí Diosta rejsinkichejña, chayrí Diospa rejsikapusqan kankichej. Chayrayku mana yachayta atinichu imaraykuchus Diosman churanakojkunaj yuyasqankuman jina purinapi wata runa jina watej kayta munasqaykichejta. Chay runakunaj yuyasqankoqa runata yanapananpaj mana atiyniyojchu, nitaj imapajpis valenchu.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Deuteronomio 32:10

Paykunata ch'innejpi tarerqa, wayraj wajtasqan ch'aki jallp'api. Chantá marq'ariykukuspa, paykunata yachacherqa. Paykunata ñawi papanta jina waqaycharqa.

Deuteronomio 8:15

Tata Diosqa chay jina jatun manchachikuna ch'innejta pusamusorqachej. Chaynejpeqa ashkha khanikoj nina katarikuna, atojsillukunapis tiyan. Chay ch'innejpeqa mana ima yakupis karqachu. Chaywanpis payqa thuru chhankamanta yakuta orqhospa, ujyachisorqachej.