Oseas 13:16 - DIOSPA QHELQACHISQ

¹⁶ Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

Qheshwa Biblia DC

¹⁶ Samaria llajtapis jasut'ita apanan tiyan Diospa contranta oqharikusqanrayku. Espadawan t'ojsisqas wañonqanku, wawasninkutaj ch'anqasqas kanqanku, wijsayoj warmisninkupis khallasqas kanqanku.

DIOSPA QHELQACHISQAN DEUTEROCANONICAL

¹⁶ Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

Oseas 13:16 ပူးပေါင်းရင်းမြစ်များ

2 Reyes 15:16

Chantá Menajenqa Tirsamanta qallarispa, Tifesajpi tiyakojkunata chantá muyuyninnejpi tiyakojkunatawan tukuyninkuta wañucherqa, llajtankoj punkunta mana kicharisqankurayku soldadonkunawan yaykuykunanpaj. Jinallataj onqoj warmikunaj wijsankutapis khallararqa.

2 Reyes 17:18

Chayrayku Tata Diosqa israelitakunaj contrankupi sinch'ita phiñakuspa, karuman presota jina apacherqa. Judá jatun ayllumanta kajkunalla Judá suyupi qhepakorqanku.

2 Reyes 17:5

Chantá Asiria suyuta kuraj kamachejqa soldadonkunawan tukuynin Israel suyuman junt'aykorqa. Samaria llajtaman chayaspataj, chay llajtata jap'inanpaj kinsa watata muyuykorqa.

2 Reyes 17:6

Oseas jisq'on watataña kamachishajtin, Asiria suyuta kuraj kamachejqa Samariata jap'erqa, chaypi tiyakoj israelitakunatataj Asiriaman aparqa. Chaypi paykunata Jalajman, Jaborman, Gozán mayu qayllaman, medokunaj llajtankuman ima churarqa.

2 Reyes 8:12

Jazaeltajrí payta taporqa: Wiraqochíy, imaraykutaj waqashankiri? nispa. Eliseotaj kuticherqa: Israelitakunata mana allinta ruwaspa ñak'arichinaykita yachaniña: Perqawan muyurichisqa llajtakunata kanaykunki, waynakunata wañuchinki, wawakunatapis ch'allparanki, onqoj warmikunaj wijsankutapis khallaranki, nispa.

Isaías 13:16

Chay soldadokunaqa wawakunata tatankoj ñawpaqenpi pampaman ch'allpanqanku. Wasinkumanta tukuy imata suwarakaponqanku, warminkutapis alqochanqanku.

Isaías 17:3

Efrainpi perqawan jark'achasqa llajtakuna manaña kanqachu, Damascoj kamachiyninpis nillataj kanqachu. Imaynatachus israelitakunaj jatun kayninku chinkarqa, ajinallatataj Siriamanta puchojkunawan kanqa. Ajinata Tukuy Atiyniyoj Tata Dios nin.

Isaías 8:4

Chay wawa manaraj tatáy, mamáy niyta yachashajtin, Asiriata kuraj kamachejqa Damascoj tukuy kapuyninta, Samariapi kaj chhikatawan apakaponqa, nispa.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

Oseas 11:6

Israelpa llajtankunapi maqanaku kanqa, jark'achasqa llajtankunapis thuñisqa kanqa. Imaymana wakichikusqankupis chinkachisqallataj kanqa.

Oseas 7:14

Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Amós 1:13

Tata Dios kay jinata nillantaj: Amonmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus jallp'ankuta jatunyachinankurayku, Galaadpi onqoj warmikunaj wijsankuta khallararqanku.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 9:1

Chantá noqaqa Tukuyta Kamachej Diosta altar qayllapi sayashajta rikorqani. Paytaj niwarqa: Temploj sayantankunata wajtay, punkukuna thalakunankupaj. P'akirakuspa, runakunaj umankuman urmaykuchun. Noqataj puchojkunata espadawan wañurachisaj, manataj pipis pakakuyta nitaj ayqeytapis atenqachu.

Miqueas 1:4

Chakin urapi orqokuna unuyanqanku, imaynatachus ceraqa ninaman churaykojtinchej unuyan, jinata. Vallekunapis iskayman khallasqa kanqanku, imaynatachus purishaj yaku wayq'ota ruwan, jinata.

Miqueas 6:16

Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Nahúm 3:10

Chaywanpis Tebas llajtapi tiyakojkuna apasqa karqanku, wawankukunataj calle esquinapi ch'allpasqa karqanku. Awqankukunaqa jatunpaj qhawasqa runakunata wata runa jina jap'ikapunankupaj suerteta choqarqanku, kurajninkukunataj cadenawan ch'ipasqa karqanku.