Oseas 13:10 - DIOSPA QHELQACHISQ

¹⁰ Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Qheshwa Biblia DC

¹⁰ Kunanrí, maypitaj reyniyki tukuy llajtasniykipi jark'akunasumpaj kashan? Maypitaj kashanku kurajkunasniykiri, paykunamantachus mañarqanki reyta kuraj kaj runasniykitapis chaykunari?

DIOSPA QHELQACHISQAN DEUTEROCANONICAL

¹⁰ Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Oseas 13:10 ပူးပေါင်းရင်းမြစ်များ

1 Reyes 12:20

Chantá tukuynin israelitakunaqa Jeroboán kutimusqanta yachaytawan, tantaykukorqanku, chayman payta wajyachimuspataj, Israel suyupi kamachinanpaj churarqanku. Ni uj ayllupis Davidpa ayllunta qhatejqa karqachu, manachayqa Judá jatun ayllumanta kajkunalla.

2 Reyes 17:4

Aswan qhepanejmanrí Asiria suyuta kuraj kamachejqa Oseas paypa contranpi oqharikushasqanta jap'erparerqa. Oseasqa Egipto suyuta kuraj kamachej So sutiyojman kachakunata kachasqa yanapananta mañakunanpaj. Chantapis impuestota manaña Asiriaman pagasqachu, imaynatachus sapa wata pagaj, jinataqa. Chayrayku Asiria suyuta kuraj kamachejqa Oseasta jap'ichispa, carcelman wisq'aykucherqa.

Salmos 10:16

Tata Diosqa wiñaypaj Kuraj Kamachejmin. Qanman mana kutirikojkunarí llajtankumanta wijch'usqa kanqanku.

Salmos 149:2

Israel aylloqa ruwajninmanta kusikuchun, Sión llajtataj kuraj kamachejninmanta kusikuchun.

Salmos 44:4

4 (5) Qanmin Diosníy, Kuraj Kamachejniy kanki. Qanmin Jacobpa ayllunta atipanankupaj yanaparqanki.

Salmos 74:12

Diosníy, qanqa unaymantapachapuni Kuraj Kamachejniy kanki. Qanmin kay suyuta qhespichej kanki.

Salmos 89:18

18 (19) Tata Diosqa jark'akuwajninchej. Israelpa Llimphu Kaj Diosnin, qan kuraj kamachejniyku kanki.

Isaías 33:22

Tata Diosqa Juezninchej, kamachisqakunatataj churapuwanchej. Tata Diosqa kuraj kamachejninchej. Jinataj pay kikinmin qhespichiwasunchej.

Isaías 43:15

Noqamin Tata Dios kani, May Llimphu Kaj Diosniykichejtaj, pichus Israelta ruwaj, kuraj kamachejnintaj, chay.

Jeremías 2:28

Judá, ruwakusqayki dioskuna maypitaj kashankuri? Mashkhachus llajtaykikuna kanku, chay chhikallataj diosniykikuna tiyapusunku. Chayrayku ñak'ariypi rikhurejtiyki, paykuna jamuspa, yanapasuchunku.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Oseas 10:3

Kay aylloyqa ichapis nenqa: Kuraj kamachejniyku mana tiyapuwaykuchu, Tata Diosta mana manchachikusqaykurayku. Chaywanpis, kuraj kamachej noqaykurayku imatataj ruwayta atinmanri? nispa.

Oseas 13:4

Tata Dios nin: Noqa Tata Diosniyki kani, Egipto suyupi kashasqaykimantapacha. Ama pitapis Diosniykita jina rejsikapuychu, manachayqa noqallata. Noqallamin Qhespichejniyki kani.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Oseas 7:7

Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

Oseas 8:4

Mana ch'ijllasqallayta kuraj kamachejkunata churakunku. Kuraj kamachejkunatapis ajllakunku, mana tapuriwaspalla. Qolqe metalmanta, qorinkumantapis lantikunata ruwakunku, paykuna kikinku mana allinninkuta tarikunankupaj.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

San Juan 1:49

Chaymanta Natanael, nerqa: Yachachej, qanqa Diospa Churin kanki, Israelpa Kuraj Kamachejnintaj, nispa.

1 Samuel 8:7

Tata Diostajrí kay jinata kuticherqa: Israelitakuna imatachus mañakusqankuta uyarillay. Manamin qantachu qhesachashasunku, manachayqa noqatamin, ama paykunata kamachinaypaj.