Oseas 12:8 - DIOSPA QHELQACHISQ

⁸ 8 (9) Efraín nin: Qhapajyaykuni, jinataj tukuy imayoj kani. Jinapis ni pi ch'ataykuwanmanchu mana cheqan kajta ruwaspa qhapajyasqaymantaqa, nispa.

Qheshwa Biblia DC

⁸ Efraenqa nin: Qhapajyaykuni, allin kaj qhatiriwan, jinapis ni pi ch'atanawan kanqachu chay gananciasniyta llullakuspa tarisqaymanta!

DIOSPA QHELQACHISQAN DEUTEROCANONICAL

⁸ 8 (9) Efraín nin: Qhapajyaykuni, jinataj tukuy imayoj kani. Jinapis ni pi ch'ataykuwanmanchu mana cheqan kajta ruwaspa qhapajyasqaymantaqa, nispa.

Oseas 12:8 ပူးပေါင်းရင်းမြစ်များ

Salmos 49:6

6 (7) Paykuna qhapaj kapuyninkumanta jap'ikunku, qhapaj kasqankumantataj runaykachanku.

Salmos 52:7

7 (9) Qhawaychej ari, Diospi pakakuyta mana mask'aj runata. Qhawaychej tiyapuynillanpi atinikoj runata. Payqa millayta ruwayta munasqanmanta mana kuyurerqachu, nispa.

Salmos 62:10

10 (11) Ama kallpayoj kasqaykichejpi atinikuspa, suwasqa kajwan may kasqaykichejta yuyakuychejchu, nitaj suwasqaykichejman sonqoykichejta churaychejchu, imajtinchus chayqa qhasillamin. Qhapajyaspapis, ama qolqeykichejpi atinikuychejchu.

Proverbios 11:1

Tata Diosqa suwa pesakunata chejnikun, cabal pesakunamantarí kusikun.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Proverbios 30:20

Khuchichakoj warmeqa kay jinaman rijch'akun: Pichus suwasqa mikhunata mikhuytawan, siminta pichakuspa nin: Mana ima millaytapis ruwanichu, nispa, chayman.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:35

Chaywanpis qan ninkiraj: Noqa mana juchayojchu kani. Diosqa mana noqawan phiñasqachu kashan, nispa. Kunantajrí qan mana juchayoj kasqaykita nisqaykirayku, qanwan pleitota oqharisaj.

Jeremías 5:27

Wasinkuman suwasqankuwan junt'aykuchinku, imaynatachus p'isqokunata jaulaman junt'aykuchinku, ajinata. Ajinata ruwaspa atiyniyojman, qhapajmantaj tukorqanku.

Ezequiel 28:5

Qhatu ruwanapaj yuyayniyoj kasqaykirayku, mayta qhapajyarqanki. Chay jina ashkha kapuyniykiraykutaj sonqoyki jatunchakorqa.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 4:8

Aylluy juchanku pampachasqa kananpaj imatachus qosqankumanta sacerdotekuna kawsanku. Chayrayku sacerdotekuna munanku aylluy juchallinallankutapuni.

Amós 8:5

Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Habacuc 1:16

Chayraykumin challwa jap'ejkuna anzuelonkuta, ch'ipankutapis mayta munakunku. Chayraykullataj jaywanata jaywanku, inciensotapis q'oshñichinku, chaykunanejta ashkha mikhunayoj kasqankurayku.

Zacarías 11:5

Chaykunata rantikojkunaqa mana llakikuspa ñak'anku. Vendejkunataj ninku: Pachis Tata Diosman, imaraykuchus qhapajña kani, nispa. Ni michejninkupis paykunamanta khuyakunkuchu.

Malaquías 2:17

Tata Diosqa parlasqaykichejta uyarispa, sayk'unña. Chaywanpis qankuna tapunkichejraj: Imata nispataj payta sayk'ucherqaykuri? nispa. Qankuna ninkichej: Tata Diosqa mana allinta ruwajkunata allinpaj qhawan, paykunawantaj kusikun, nispa. Manachayqa nillankichejtaj: Maypitaj kashan justiciata ruwaj Diosri? nispa.

Malaquías 3:13

Tata Dios nillantaj: Qankuna mayta contrayta rimankichej, nispa. Chantapis tapunkichejraj: Imatataj qanpa contraykipi parlaykuri? nispa.

San Lucas 10:29

Chay runatajrí ruwasqan allillan kasqanta rikuchiyta munaspa, kuticherqa: Chantá pitaj runa masiyri? nispa.

San Lucas 12:19

Chantá sonqoypi nisaj: Kunanqa kapuwasqan ashkhaña, sumaj jallch'asqataj unaypaj. Chayrayku kunanqa chhika patapi kawsakuspa mikhusaj, ujyasaj, kusikusajtaj, nispa.

San Lucas 16:13

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí ujnin patronman k'askakonqa, ujnintatajrí qhesachanqa. Ajinallataj qankunapis ujllapi qolqejta, Diospatawan mana wata runan kayta atiwajchejchu, nispa.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Deuteronomio 8:17

Ama sonqoykichejpi yuyankichejchu: Sinch'ita llank'asqaykurayku tukuy imata tarispa qhapajyayku, nispa.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Timoteo 6:5

Ajina kajkunaqa ch'ajwata sayarichinkupuni. Paykunaj yuyayninku manaña allinñachu kasqanrayku cheqa kajta wasanchanku. Jinallataj yuyanku Diosta kasuspa purinaqa qolqeta jap'inallapaj kasqanta.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.