Oseas 12:7 - DIOSPA QHELQACHISQ

⁷ 7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Qheshwa Biblia DC

⁷ Señor nin: Canaanqa falso pesanata makimpi jap'ishan, imaraykuchus runasta ch'aukeyay aytaqa gustan.

DIOSPA QHELQACHISQAN DEUTEROCANONICAL

⁷ 7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Oseas 12:7 ပူးပေါင်းရင်းမြစ်များ

Génesis 49:18

Tata Diosníy, suyani qan qhespichinawaykita.

Proverbios 11:1

Tata Diosqa suwa pesakunata chejnikun, cabal pesakunamantarí kusikun.

Proverbios 16:11

Mana suwa pesakunawan, romanakunawan ima Tata Diospatamin kanku. Allin pesakunaqa paypa ruwasqanmin.

Isaías 3:5

Runakuna paykunapura sarunakonqanku, purajmantataj maqanakonqanku. Waynakunapis machu runakunaj contranta oqharikonqanku, mana kasu ruwana runakunataj maypaj qhawasqa runakunawan jap'inakonqanku.

Isaías 56:1

Tata Dios nin: Justiciata ruwallaychejpuni. Imatapis cheqanta ruwaychej, imaraykuchus kacharichinay p'unchayqa qayllapiña, noqa jamuspataj, justiciata ruwasaj.

Ezequiel 16:3

Paykunaman willay Tukuyta Kamachej Tata Dios imatachus nisqanta: Jerusalén, qanqa Canaán suyupi paqarerqanki, chaypi qallariyniyki karqa. Tatayki amorreo llajtayoj karqa, mamaykitaj jitita llajtayoj.

Ezequiel 22:29

Kay suyupi tiyakojkunapis millayta ruwanaman, suwakuymantaj qokullankutaj. Wajcha runakunata, mana kapuyniyojkunatapis munasqankuta ruwanku. Waj llajtayojkunatapis ñak'arichispa, mana paykunapaj cheqan justiciata ruwankuchu.

Ezequiel 28:5

Qhatu ruwanapaj yuyayniyoj kasqaykirayku, mayta qhapajyarqanki. Chay jina ashkha kapuyniykiraykutaj sonqoyki jatunchakorqa.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.

Amós 3:9

Asdod llajtapi kamachina wasikunapi, Egipto suyupi kamachina wasikunapi ima kayta willaychej: Samaria orqoman jamuychej, qhawaychejtaj imaymana ch'ajwa chantá ñak'ariy ima kasqanta, nispa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Miqueas 7:2

Kay pachapi manaña kanchu khuyakuyniyoj runakuna, nitaj ujllapis kanchu cheqanta ruwajkuna. Tukuyninku runa masinkuta wañuchinanpaj awaytanku, ujkuna ujkunataj urmanankupaj tojllata churanakunku.

Zacarías 14:21

Judapi, jinataj Jerusalenpi tukuy mankakunaqa Tukuy Atiyniyoj Tata Diospaj t'aqasqa kanqanku. Pillapis uywa ñak'asqata jaywayta munajqa chay mankata oqharispa, uywaj aychanta chayachenqa. Chay p'unchayllapitaj Tukuy Atiyniyoj Tata Diospa Templopi manaña qhatojkuna kanqachu.

Zacarías 5:8

Chantá ángel niwarqa: Kay warmeqa millayta ruwanamin, nispa. Chantá chimpuna ukhuman chay warmita tanqaykuspa, titi kirpananwan kirpaykorqa.

Zacarías 7:9

Kaytamin noqa kamachini: Cheqan justiciata ruwaychej, jinataj ujkuna ujkunapaj khuyakuyniyoj, allin k'achataj kaychej.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Juan 2:16

Urpikunata qhatojkunatataj nerqa: Tukuy chaykunata kaymanta orqhoychej. Tataypa wasintaqa ama qhatuna wasiman tukuchiychejchu, nispa.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.