Oseas 12:1 - DIOSPA QHELQACHISQ

¹ 1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

Qheshwa Biblia DC

¹ Efraenqa wayrallata upispa kausan: Tukuy p'unchaynintinta inti llojsimuy wayraj qhepanta ripun. Llullerasninta yapashallampuni, millay phiñaywan ruwaykunasnintapis, Asiriawan tratosta ruwarikun, aceite t'inkastataj Egiptoman aparichin.

DIOSPA QHELQACHISQAN DEUTEROCANONICAL

¹ 1 (2) Efrainqa wayrallata mikhuspa kawsan. Tukuy tuta p'unchay inti llojsimuynejmanta wayraj qhepanta ripun. Mana sayk'uspa llullakullanpuni, kallpaman atinikuspataj, millayta ruwallanpuni. Asiriawan tratota ruwan, aceite t'inkatataj Egiptoman apachin.

Oseas 12:1 ပူးပေါင်းရင်းမြစ်များ

Génesis 41:6

Chaykunaj qhepantataj llojsimullasqankutaj ch'aki wayraj ch'akichisqan, qanchis ch'usu trigo umakuna.

2 Reyes 15:19

Chaypachataj Asiria suyuta kuraj kamachej Pul sutiyojqa Israel suyuman yaykuykorqa. Israel suyuta kuraj kamachej Menajentaj Pulman 33.000 kilo qolqe metalta apacherqa, kuraj kamachej jina kamachiyninta sumajta sayachiyta yanapananpaj.

2 Crónicas 21:11

Chay jawaqa Judá suyupi tukuy orqokunapi pay lanti yupaychana wasikunata ruwacherqa. Ajinamanta Jorán Jerusalenpi tiyakojkunata, jinallataj Judapi tiyakojkunatapis tanqaykorqa Tata Diosta wasanchanankupaj.

Job 15:2

Yachayniyoj runaqa mana k'arachinapaj jina manakajta parlaspachu kutichin, nitaj mana yuyayniyoj jina mana allin kajta parlanchu.

Salmos 78:36

Chaywanpis paykuna misk'i simillankuwan Diosta parlapayaj kanku, llullakoj ima kanku.

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 7:15

Noqarí qankunata ñawpaqeymanta wijch'usqaykichej, imaynatachus ñawpajpi wawqeykichej Efrainpa mirayninmanta kajkunata wijch'orqani, ajinata, nispa.

Lamentaciones 5:6

Mikhunata mask'aspa Egipto llajtayojkunaman, asiriokunaman ima k'umuykorqayku.

Ezequiel 17:10

Wajnejman mallkejtinkupis, mana jap'ikonqachu, ch'akiponqa. Inti llojsimuynejmanta wayra wayramuspa, ch'akirparichenqa. Ijimunan kashajtinpis, pachanpi ch'akiponqa, nispa.

Oseas 11:12

12 (12.1)Efrainqa llullerionwan umayta q'epichayta munawan. Israelpis q'otiyayta munawan. Judamanta kajkunapis noqa mana wasanchaj Diosmanta t'aqakuwanku, lantikunaman qonqorikunankupaj.

Oseas 11:9

Mana phiñakuyniy k'ajarisqanman jinachu ruwasaj. Mana ujtawan Efrainta chinkachisajñachu, imaraykuchus noqaqa Dios kani, manataj runachu. Noqa chawpiykichejpi May Llimphu Kaj Diosmin kani, manataj phiñasqachu qankunaman jamusaj.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Oseas 4:19

Chayrayku sinch'i wayra paykunata picharparenqa. Lantinkukunaman uywata q'olachispa jaywasqankuraykutaj p'enqaypi rikhurenqanku.

Oseas 5:13

Efrainqa onqosqa kasqanta rikukonqa, Judapis ukhun nanachisqa kasqanta reparakonqa. Chantá Efrainqa Asiriaman renqa kuraj kamachej yanaparinanta mañakoj. Asiriaj kuraj kamachejninrí mana thañichiyta atenqachu, nitaj nanasqantapis jampiykonqachu.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Oseas 8:7

Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.