Oseas 11:8 - DIOSPA QHELQACHISQ

⁸ Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Qheshwa Biblia DC

⁸ Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

DIOSPA QHELQACHISQAN DEUTEROCANONICAL

⁸ Efrainníy, imaynatataj saqerparisqaykiri? Israelníy, imaynatataj wijch'urparisqaykiri? Imaynatataj Adma llajtata jina chinkarparichiykimanri? Imaynatataj Zeboyin llajtawan ruwarqani, ajinallatatajchu qanwanpis ruwaymanri? Sonqoyqa wawayawan qanpaj khuyakuyniy junt'a kasqanrayku.

Oseas 11:8 ပူးပေါင်းရင်းမြစ်များ

Génesis 14:8

Chantá phishqantin kuraj kamachejkuna ujchakuspa, maqanakoj llojserqanku. Paykuna Sodomata, Gomorrata, Admata, Zeboyinta chantá Soarta ima kamacherqanku. Paykunataj Sidín vallepi chay waj tawa kuraj kamachejkunaj contrankuta maqanakorqanku:

2 Samuel 24:16

Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

1 Reyes 3:26

Chantá chay kawsashaj wawaj mamanqa wawanrayku maytapuni llakikuspa, kuraj kamachejta nerqa: Wiraqochi kuraj kamachejníy, ama wañuchiychejchu chay kawsashaj wawata. Kay warmiman qopuychej, nispa. Chay uj warmitajrí nerqa: Wañuchiychej, ni paypaj ni noqapaj kachunchu. Iskayman khuchurpariychej, nispa.

2 Reyes 13:23

Chaywanpis Tata Diosqa paykunamanta khuyakorqa, Abrahamwan, Isaacwan, Jacobwan ima tratota ruwasqanraykutaj, israelitakunata mana saqerpayarqachu. Chayrayku Tata Diosqa ñawpaqenmanta mana paykunata wijch'uyta, nitaj chinkachiytapis munarqachu. Kunankama ajina kashan.

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Salmos 106:45

Paykunawan trato ruwasqanmanta yuyarikuspa, mana tukukoj khuyakuyniyoj kasqanrayku, paykunata qhespicherqa.

Isaías 16:11

Chayrayku tukuy sonqoywan Moab suyumanta arpa jina waqani, jinallataj Quir Jeresmantapis.

Isaías 63:15

Tata Dios, qan janaj pachamanta qhawarimuy, may llimphu kamachinayki tiyanamanta allinta qhawarimuy. Maytaj kunan chay sinch'i munakuyniyki, kallpaykitajri? Khuyakuyniyki tukukapunchu, sonqoykipis noqaykurayku manañachu wawayan?

Jeremías 18:8

Chantá sichus chay suyupi tiyakojkuna millay ruwasqankumanta t'aqakunku chayqa, jasut'inayta nerqani, chayta manaña junt'asajchu.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Jeremías 9:6

6 (5) Tata Dios nin: Qanqa, Jeremías, tiyakunki kay ch'awka runakunaj chawpinkupi, chay jina ch'awka kasqankuraykutaj mana rejsikapuwayta munankuchu.

Jeremías 9:7

7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 3:32

Ñak'arichispapis khuyakullantaj, may chhikan khuyakuynin kasqanrayku.

Lamentaciones 3:33

Payqa runata ñak'arichisqanmanta mana kusikunchu nillataj runatapis llakichiyta munanchu.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Ezequiel 6:9

Waj suyuman apasqamanta ayqekojkunataj noqamanta yuyarikuwanqanku. Reparanqanku imaynatachus llakichiwasqankuta wasanchaj sonqonkuwan noqamanta karunchakuspa. Yachallanqankutaj imaynatachus llakikusqayta khuchichakoj ñawinkuwan lantinkukunata munapayasqankumanta. Paykuna kikinku tukuy millay ruwasqankumanta, chantá tukuy imaymana khuchiriyota ruwasqankumanta millachikonqanku.

Oseas 6:4

Tata Dios nin: Efraín, imatataj qanwan ruwasajri? Judá, qanwanpis imatataj ruwasajri? Munakuwasqaykichejqa tutamanta phuyu jinalla, chayrí tutamanta chhulla jina chinkaripojlla.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Amós 7:3

Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:6

Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Sofonías 2:9

Chayrayku noqa, Israelpa Tukuy Atiyniyoj Tata Diosnin kawsayniyrayku tiluspa, nini: Moab suyu Sodoma jina chinkachisqa kanqa, Amonpi tiyakojkunataj Gomorrapi tiyakojkuna jina tukukonqanku. Jallp'ankukunapis khishka pampaman tukonqa, kachi orqhona qhoya jinataj ch'in pampa kanqa. Aylluymanta puchojkunataj chay suyukunaj kapuyninkuta qhechuranqanku, jallp'ankutapis jap'ikaponqanku, nispa.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Deuteronomio 29:22

22 (20) Qhepanejman wawaykichejkuna, jinallataj waj llajtayojkuna ima Tata Dios kay jallp'aman imaymana ñak'ariykunata, onqoykunata ima apachimusqanta rikonqanku.

Deuteronomio 29:23

23 (22) Tukuy suyu azufrella, kachilla, ruphasqa jallp'alla kasqanta rikonqanku. Chay jina jallp'api mana imatapis tarpuyta atenqankuchu, nitaj imapis poqoyta munanqachu. Ni qhorallapis wiñanqachu. Imaynatachus Tata Dios sinch'i phiñakusqanrayku Sodoma llajtata, Gomorrata, Admata, chantá Zeboyin llajtata ima chinkarparicherqa, ajinallataj suyuykichejta ch'inman tukuchenqa.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

2 Pedro 2:6

Jinallatataj Dios Sodomapi, chantá Gomorrapi tiyakoj runakunatapis chinkachisqa kanankupaj juchacharqa, ushphaman tukunankukama ninawan paykunata ruphachispa. Ajinamanta Dioswan churanakojkuna qhepanejman imapichus tukukunankuta yachacherqa.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

Apocalipsis 11:8

Chay testigokunaj ayankutaj Jerusalén llajtaj jatun plazanpi wijch'usqa kanqanku, maypichus Tukuyta Kamachej Jesusninku chakatasqa karqa, chaypi. Chay llajtaqa Sodomawan, chantá Egiptowan ima ninakun.

Apocalipsis 18:18

Chantá llajtaj ruphaykusqan q'oshñita rikuspa, qhaparerqanku: Ni mayqen llajta kay jatun llajta jinaqa karqachu, nispa.

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.