Oseas 11:7 - DIOSPA QHELQACHISQ

⁷ Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Qheshwa Biblia DC

⁷ Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

DIOSPA QHELQACHISQAN DEUTEROCANONICAL

⁷ Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 11:7 ပူးပေါင်းရင်းမြစ်များ

Salmos 81:11

11 (12) Chaywanpis aylloyqa mana uyariwayta munarqachu, Israeltaj mana kasuwayta munarqachu.

Proverbios 14:14

Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

Isaías 26:10

Chaywanpis sichus millayta ruwajkunata khuyanki chayqa, paykuna mana yachaqakunkuchu imachus cheqan kajta. Allinta ruwaj runakunaj suyunpi kashaspapis, paykunaqa millayllatapuni ruwanku, Tata Diospa jatun kaynintataj mana cuentaman churankuchu.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 3:11

Tata Dios nillawarqataj: Mana kasukoj Israelqa pisi juchayoj chay wasanchawaj Judamanta nisqaqa.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 14:4

Tata Dios nin: Mana kasukoj kasqaykichejta noqa jampisaj. Noqa tukuy sonqo munakusqaykichej mana munakunapaj jina kashajtiykichejpis, imaraykuchus phiñakuyneyqa tiyaykapunña.

Oseas 4:16

Israelqa chukara wakilla jina mana kasukunchu. Ajina israelitakuna kashajtinku, imaynatataj Tata Dios ovejata jina paykunata sumaj qhallallaj pastopi michinmanri?

Oseas 7:16

Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.