Oseas 11:4 - DIOSPA QHELQACHISQ

⁴ Misk'i simiwan sonqonta suwarqani, munakuywantaj waskhawan jina payta aysamorqani. Ñuñoj wawata jina uyayman astawan k'askaykuchikorqani, makiywantaj mikhucherqani.

Qheshwa Biblia DC

⁴ Misk'i parlaywan may munakuywantaj wataspa paytaqa noqanejman aysamorqani, uyay chayman astawan paykunata k'askaykuchikorqani uj ñuñoj wawasta jina; astawantaj k'umuykorqani paykunata mikhuchinaypaj.

DIOSPA QHELQACHISQAN DEUTEROCANONICAL

⁴ Misk'i simiwan sonqonta suwarqani, munakuywantaj waskhawan jina payta aysamorqani. Ñuñoj wawata jina uyayman astawan k'askaykuchikorqani, makiywantaj mikhucherqani.

Oseas 11:4 ပူးပေါင်းရင်းမြစ်များ

2 Samuel 7:14

Noqaqa paypaj tata jina kasaj, paytaj waway jina kanqa. Imapi juchallikojtinpis, noqa payta wanananpaj jasut'isaj, imaynatachus uj tata wawanta jasut'in, jinata.

Salmos 105:40

Mikhunata mañakojtinku, Diosqa yuthukunata paykunaman chayachimorqa, janaj pachamanta t'antawantaj paykunata sajsacherqa.

Éxodo 16:32

Chaymanta Moisés israelitakunata nerqa: Tata Dios ajinata kamachin: Maná nisqata iskay kilota waqaychaychej, wawaykichejkuna yachanankupaj Egiptomanta qankunata orqhomushaspa, ima t'antatachus mikhuchisqayta, nispa.

TAKIYKUNA 1:4

Usqhayta pusarikuway ari. Kuraj kamachejníy, puñunaykiman pusakuway. Qanwan manchayta kusikusqayku. Munarikusqaykeqa vinomantapis astawan misk'i. Chayrayku sipaskunaqa mayta munakusunku.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Oseas 2:8

8 (10) Payqa mana yuyarikorqachu noqamin payman trigota, vinota, aceitetapis qosqayta. Paytajrí qolqeta, qorita ashkhata qosqaywan Baal lantikunata ruwakorqa.

Levítico 26:13

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

San Juan 12:32

Chaywanpis maypachachus noqata cruzman chakatawanqanku chaypacha, tukuy runakuna noqapi atinikunankuta ruwasaj, nispa.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

Deuteronomio 32:12

Ajinata Tata Diosqa sapallan paykunata pusaykacharqa, nitaj waj llajtayojkunaj diosninku yanapananchu karqa.

Deuteronomio 32:14

Uywankumanta ñojñuta mikhorqanku, lechetataj ujyarqanku. Sumaj wira corderokunaj aychanta mikhorqanku, Basanmanta kaj wira ovejakunata, cabrakunatawan ima. Sumajnin kaj trigota mikhullarqankutaj, uvamanta sumaj vino ruwasqatapis ujyallarqankutaj.