Oseas 11:2 - DIOSPA QHELQACHISQ

² Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Qheshwa Biblia DC

² Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

DIOSPA QHELQACHISQAN DEUTEROCANONICAL

² Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 11:2 ပူးပေါင်းရင်းမြစ်များ

1 Reyes 12:33

Pusaj kaj killapi, chunka phishqayoj p'unchayta, Betelpi altarta ruwachisqa, chay patapitaj uywa ñak'asqata jaywarqa. Payllamanta qhawarispa, chay killapi israelitakunapaj raymita ruwarqa, pay kikintaj altarpi inciensota q'oshñicherqa.

1 Reyes 18:19

Kunanqa tukuynin israelitakunata Carmelo orqoman tantakamunankuta kamachiy. Wajyallaytaj Baalpa 450 sut'inchajninkunata, Aseraj 400 sut'inchajninkunatawan ima, pikunachus Jezabelpa mikhunanmanta mikhunku, chaykunata, nispa.

Nehemías 9:30

Watan watanta paykunawan pacienciakorqanki. Espirituykiwan, sut'inchajkunapiwan paykunaman willachej kanki kamachisqaykita junt'anankuta. Chaytapis manallataj kasojchu kanku, chayraykutaj waj suyukunaj makinkuman paykunata jaywaykorqanki.

Isaías 65:7

Chantá Tata Dios nillantaj: Juchaykichejrayku, ñawpa tataykichejpa juchankurayku ima pagapusqaykichej, imaraykuchus paykunapis orqo patapi, chantá loma patapipis inciensota q'oshñicherqanku. Chayrayku noqaqa ñawpa juchaykichejman jina pagota qopusqaykichej, nispa.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 35:13

Noqa Israelpa Tukuy Atiyniyoj Tata Diosnin kamachiyki, rispa Judapi, Jerusalenpiwan kaj runakunaman sutiypi nimunaykita: Recabitakunaj ruwasqankumanta yachaqakuspa, kamachisqayta kasuychej. Noqa Tata Diosmin chayta nini.

Jeremías 44:5

Paykunatajrí nisqayta mana ruwarqankuchu, nitaj kasuwarqankuchu. Millay ruwanankuta saqenankutaqa, inciensota waj dioskunaman q'oshñichillarqankupuni.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Oseas 4:13

Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 4:17

Efrainqa lantita yupaychayman qokapun. Chayrayku saqellaychej jina purejta.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

San Lucas 13:34

Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Juan 3:19

Chantá kayraykumin runakuna juchachasqa kanqanku: Diospa k'anchaynin kay pachaman jamorqa. Runakunatajrí laqhata k'anchaymanta nisqa astawan munakorqanku, imajtinchus paykuna millayta ruwaspa purerqanku.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.

Jueces 2:13

Tata Diosmanta karunchakorqanku Baalpa lantinkunata, Astarotpa lantinkunata ima yupaychaspa.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.