Oseas 11:11 - DIOSPA QHELQACHISQ

¹¹ P'isqokuna jina Egiptomanta kharkatitispa phawamonqanku, Asiriamantataj urpikuna jina phawamonqanku. Jinamanta noqa ujtawan wasinkupi tiyakunankuta ruwasaj. Chayta noqa Tata Diosmin nini.

Qheshwa Biblia DC

¹¹ P'isqos jina Egiptomanta kharkatitispa jamonqanku; Asiriamanta palomas mina jamonqanku, jinamanta watejmanta wasinkupi tiyakunankuta ruwasaj. Noqa Señor chayta nini.

DIOSPA QHELQACHISQAN DEUTEROCANONICAL

¹¹ P'isqokuna jina Egiptomanta kharkatitispa phawamonqanku, Asiriamantataj urpikuna jina phawamonqanku. Jinamanta noqa ujtawan wasinkupi tiyakunankuta ruwasaj. Chayta noqa Tata Diosmin nini.

Oseas 11:11 ပူးပေါင်းရင်းမြစ်များ

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 60:8

Pikunataj phuyu jina oqharikuspa, Israelman phawamushanku, thapankuman phawaj urpikuna jinari?

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Ezequiel 34:27

Sach'akuna sumajta poqonqanku, jallp'ataj tukuy imata sumajta poqochenqa. Jinallataj ovejaykunapis kikin jallp'ankupi mana imamanta manchachikuspa kawsanqanku. Maypachachus noqa aylluyta kacharichisaj, pikunachus paykunata ñak'arichejkunaj makinkumanta chaypacha, paykuna yachanqanku noqa Tata Dios kasqayta.

Ezequiel 34:28

Waj llajtayojkunaqa manaña ujtawan paykunata presochanqankuchu, nillataj campopi kaj phiña animalkunapis mikhuykonqankuchu. Aswanpis ni pejpa manchachisqan allinta kawsakonqanku.

Ezequiel 37:21

Jinaspataj, paykunata ninki: Tukuyta Kamachej Tata Dios kay jinata nin: Israelitakuna maymanchus ch'eqerasqa chayarqanku, chay suyukuna ukhumanta orqhomuspa, paykunata tukuynejmanta tantaykamusaj, suyunkumantaj kutirichimusaj.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 7:11

Efrainqa mana yuyayniyoj mancharisqa urpi jina. Egiptomanta yanapananta mañakun, yanapata mask'aspataj, Asiriamanpis qayllaykullantaj.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Zacarías 10:10

Noqa paykunata Egiptomanta kutirichimusaj, Asiriamantapis pusakampusaj. Chantá paykunata Galaadman, Libanomanpis pusasaj. Jinapis ashkha kasqankurayku jallp'a mana paykunapaj wakenqachu.

Zacarías 8:7

Tukuy Atiyniyoj Tata Dios nillantaj: Noqamin aylluyta kacharichisaj inti llojsimuynejpi suyoj atiyninmanta, jinataj inti yaykuynejpi suyumantapis.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.