Oseas 11:10 - DIOSPA QHELQACHISQ

¹⁰ Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Qheshwa Biblia DC

¹⁰ Paykuna Señorta qhatenqanku, Señortaj uj león jina qhaparenqa. Paypata kajkunata inti llojsimuy ladomanta qharkatitispa jamonqanku.

DIOSPA QHELQACHISQAN DEUTEROCANONICAL

¹⁰ Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Oseas 11:10 ပူးပေါင်းရင်းမြစ်များ

Job 37:1

Chantá Eliú nillarqapuni: Sinch'i para jamushasqanta rikuspa, sonqoyqa may jinata tujtukiyarin, qhasqoymantapis phawarqoshanmanña jina.

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Salmos 2:11

Tata Diosta may jatun respetowan qhawaspa yupaychaychej, kusikuspataj, payman k'umuykuychej.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 2:5

Jakuchej, Jacobpa ayllun, Tata Diospa k'anchayninpi purinachej.

Isaías 31:4

Tata Dios kay jinata niwarqa: Uj león uñanwan ima ovejata wañuchispa, mayta phiñarikun. Michejkuna mancharichinankupaj tantakuspa mayta qhaparejtinkupis, león mana manchachikunchu. Ajinallatataj Tukuy Atiyniyoj Tata Diosqa Sión orqoman israelitakunaj awqankoj contranta maqanakoj urayk'amonqa.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Isaías 49:10

Mana yarqhachikonqankuchu nitaj ch'akichikonqankuchu. Manataj ruphaypis paykunata sonqorparenqachu, nitaj intipis ruphanqachu, imaraykuchus paykunamanta khuyakojqa yaku juturiman paykunata pusanqa.

Isaías 64:2

Imaynatachus nina ch'awjrata rupharparin, chayrí mankapi yakutapis t'impuchin, ajinallatataj qanpis jamuspa, awqaykikunaman sutiykita rejsichiy, qanpa ñawpaqeykipitaj tukuy suyu kharkatitichunku.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Isaías 66:5

Noqa Tata Diospa nisqayta uyariychej, pikunachus simi nisqayta uyarispa kharkatitejkuna. Qankunataqa llajta masiykichej chejnikusunkichej. Noqaj sutiyraykutaj jawaman qankunata qharqospa, nisunkichej: Tata Diosqa jatun kayninpa lliphipiyninta rikhurichichun, chayta rikuspa qankuna kusikuyta atinaykichejpaj, nispa. Chaywanpis paykunaqa p'enqaypi rikhurenqanku.

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 25:30

Qantaj Jeremías, sutiypi kay tukuyta sut'inchaspa, paykunata niy: Tata Diosqa patamanta sinch'ita qhaparimonqa, janaj pachapi kamachinan tiyana kashan, chaymantapacha. Ayllunpa contranta ima qhaparimonqa, imaynatachus uvata ch'irwajkuna qhaparimunku, ajinata.

Jeremías 31:9

Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 33:9

Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Ezequiel 26:16

Chay suyukunaj kuraj kamachejninkukunataj kamachinanku tiyanamanta urayk'onqanku, poncho jina qhatanankuta orqhokonqanku, k'acha awakipasqa p'achankutataj lluch'ukonqanku. Qanta rikuspataj, sinch'i manchariywan kharkatitenqanku, pampapitaj chukonqanku.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 3:4

Sichus león montepi qhaparin chayqa, jap'isqanmanta qhaparin. Sitajchus jusk'unpi uña león qhaparin chayqa, imatachá jap'isqanmanta qhaparin.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Miqueas 4:5

Waj suyukunaqa diosninkuta kasuspa purinku. Noqanchejrí Tata Diosninchejta kasuspapuni purisunchej.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

Zacarías 10:10

Noqa paykunata Egiptomanta kutirichimusaj, Asiriamantapis pusakampusaj. Chantá paykunata Galaadman, Libanomanpis pusasaj. Jinapis ashkha kasqankurayku jallp'a mana paykunapaj wakenqachu.

Zacarías 10:12

Aylluytarí noqa kallpachasaj, paykunataj sutiypi ñawpajllamanpuni renqanku. Noqa Tata Diosmin ajinata nini.

Zacarías 8:7

Tukuy Atiyniyoj Tata Dios nillantaj: Noqamin aylluyta kacharichisaj inti llojsimuynejpi suyoj atiyninmanta, jinataj inti yaykuynejpi suyumantapis.

San Juan 8:12

Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

Hechos 24:25

Chaypacha Pabloqa cheqan kajta ruwanamanta, sonqoj munayninwan mana atipachikoj kanamanta, jamoj juicio p'unchaymanta ima parlarqa. Felixtajrí chayta uyarispa, mancharikorqa. Chayrayku Pablota nerqa: Kunanqa amaña chaymanta astawan parlawayñachu. Noqa waj p'unchaypi ujtawan wajyasqayki, nispa.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

2 Pedro 2:10

Astawanqa jasut'enqa, pikunachus khuchichakuspa purinaman qokunku, chaykunata. Paykunaqa Diospa tukuyta kamachej kayninta pisipaj qhawanku. Mana manchachikuyniyoj may kasqankuta yuyakuspataj, paykuna janaj pachapi atiyniyojkunapaj rimaytapis mana manchachikunkuchu.

Apocalipsis 10:3

Chaypachataj chay angelqa leonpis qhaparishanman jina sinch'ita qhaparerqa. Qhaparejtintaj, qanchis qhon qhonkuna kutichimorqanku.