Oseas 10:8 - DIOSPA QHELQACHISQ

⁸ Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Qheshwa Biblia DC

⁸ Juchasapaspa lanti wasinku t'unasqas kanqanku, maypichus Israel ayllu juchallej chaykuna. Chay altaresninku pataspitaj qhepus khishkaspis wiñanqanku, runastaj orqosta nenqanku: Pakaykuwayku!, nispa; chhankastataj nenqanku: Pataykuman urmaykuwayku!, nispa.

DIOSPA QHELQACHISQAN DEUTEROCANONICAL

⁸ Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Oseas 10:8 ပူးပေါင်းရင်းမြစ်များ

Génesis 3:8

Chantá inti yaykuyta jina wayrarishajtin, qhari warmi huertapi Tata Diospa purishasqanta uyarerqanku. Paykunatajrí usqhay usqhayta huertapi sach'a ukhuman pakaykukorqanku.

1 Reyes 13:2

Paytaj Tata Diospa kamachisqanrayku altarpa contranpi qhaparerqa: Altar, altar, Tata Dios ajinata nin: Davidpa mirayninmanta uj wawa Josías sutiyoj paqarikonqa. Orqo patapi kaj yupaychana wasikunapi sacerdotekuna kayman jamuspa, pataykipi inciensota q'oshñichinku. Chay Josiasrí qanpa pataykipi paykunata ñak'aspa, tullunkukunata chaypi ruphachillanqataj, nispa.

1 Reyes 13:34

Ajinata ruwaspa Jeroboanqa mirayninta juchallicherqa, chayraykutaj aswan qhepaman tukuy ayllun wañuchisqa karqanku.

1 Reyes 14:16

Tata Diosqa Jeroboán juchallisqanrayku chantá israelitakunata juchallichisqanrayku ima Israel suyuta ch'eqerachenqa, nispa.

2 Reyes 23:15

Jinallataj Josiasqa Betelpi kasharqa, chay altartapis phirispa ruphaykuchillarqataj, chantá Aseraj lantintapis ruphaykuchillarqataj. Chay altarkunata Nabatpa churin Jeroboán ruwaspa, israelitakunata juchallichisqa.

2 Crónicas 31:1

Raymi ruwayta tukuytawan, tukuy israelitakuna Judá suyupi tukuy llajtaman rispa, rumimanta lantikunata, Asera lanti k'ullukunatapis phirerqanku. Jinallataj Judá suyupi, Benjamín suyupi, Efraín jap'iypi, Manasés jap'iypi ima loma patapi lanti yupaychana wasikunata, altarkunatawan thuñirarqanku. Chaymantataj tukuy israelitakuna sapa ujpis llajtankupi wasinkuman kutiporqanku.

Isaías 2:19

Chaypacha tukuy runakuna chhanka jusk'ukunaman ayqekonqanku. Jinallataj jallp'aj lajrakusqanman chinkaykonqanku, Tata Diospa k'araj phiñakuyninmanta, jatun kayninpa lliphipiyninmantawan ayqespa, maypachachus pay kay pachata jasut'ej jamonqa, chaypacha.

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 32:13

Aswan qhepaman aylluypa jallp'anpi khishkawan, ithapalluwan imalla wiñanqanku, jinallataj maypichus manchayta kusirikoj, kanku chay wasikuna thuñisqa kanqanku.

Isaías 34:13

Kamachina wasikunapi khishkakunallaña wiñanqanku, sumaj jark'achasqa llajtakunapitaj ithapalluwan, qhorallawanña wiñanqanku. Chaykunapi k'ita alqokunallaña puñonqanku, pationkunapitaj surikunaj thapallanña kanqa.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

Oseas 10:5

Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

Oseas 10:9

Tata Dios nin: Israelqa mana sayk'uspa juchallikullanpuni. Gabaapi juchalliyta qallarisqankumantapacha juchallispallapuni kashan. Chayraykumari maqanakupis Gabaapi millay ruwajkunata taripanqa.

Oseas 2:6

6 (8) Chayrayku Israelpa ñanninta khishkawan jark'aykuchisaj, mana ñanninta tarinanpajtaj perqata sayarichisaj.

Oseas 4:13

Jatun orqokunapi, lomakunapipis inciensota q'oshñichinku, uywa ñak'asqatataj jaywanku. Kikillantataj ruwanku roble sach'a urapi, álamo sach'a urapi, encina sach'a urapipis. Chayrayku ususinkukuna phisu warmiman tukunku, ñojch'ankukunapis waj qharikunawan khuchichakunku.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Oseas 5:8

Gabaa llajtapi maqanakuman wajyana putututa waqachiychej, Ramapitaj cornetata waqachiychej. Bet Avenpi wakichisqa kachunku, Benjaminpipis kikillantaj kachunku.

Oseas 8:5

Samariapi tiyakojkuna, torillo lantita yupaychasqaykichejta millachikuni. Phiñakuyniy k'ajarin contraykichejpi. Israelitakuna, mayk'ajkamataj juchayojllapuni kankichejri?

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.

Amós 1:5

Jinallataj Damasco llajtaj punkunkunata kallpawan urmachisaj, Bicat Avenpi kamachejtataj phirita ruwasaj, jinallataj Bet Edenpi kamachejtapis. Siriokunapis Quirman apasqa kanqanku, nispa. Tata Dios ajinata nin.

Amós 3:14

Maypachachus Israelta juchallisqanmanta cuentata mañasaj chaypacha, Betelpi tukuy altarkunata phirisaj. Chay altarkunaj wajrankunapis sik'isqa kaspa, pampaman urmanqanku.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Miqueas 1:13

Qankuna, Laquis llajtapi tiyakojkuna, israelitakuna jinallataj Diospa contranpi oqharikorqankichej. Qankunanejta Sión llajtapi tiyakojkunata juchallicherqankichej, kunantaj carretaykichejman caballokunata wataychej.

Miqueas 1:5

Chay ajina kanqa, Jacobpa ayllun mana kasukusqanrayku, Israel suyu juchallikusqanrayku ima. Jacob imata ruwaspa juchallinri? Imatachus ruwasqanqa Samaria llajtapi kashan. Maypitaj Judá suyoj lanti yupaychanan kashanri? Chayqa Jerusalén llajtapi kashan.

Nahúm 3:11

Nínive, qantapis machaykuchisonqanku, uma muyusqataj pakakunki, awqaykimanta ayqeyta munaspa.

San Lucas 23:30

Chaypachallataj runakuna orqokunata nenqanku: Pataykuman urmaykamuwayku, nispa. Lomakunatataj nenqanku: P'ampaykuwayku, nispa.

Deuteronomio 9:21

Chaymantataj noqaqa juchallinaykichejpaj waka uña lantita ruwasqaykichejta jap'ispa, ninaman wijch'uykorqani. Ñut'uta kutaspataj, orqomanta urayk'amushaj mayuman qhalliykorqani.

Apocalipsis 6:16

Chantá orqokunata, qaqatapis qhaparikorqanku: Pataykuman urmaykamuspa, pakaykuwayku jaqay kamachina tiyanapi tiyashaj Cordero ama rikunawaykupaj. Jinataj Corderoj k'araj phiñakuyninmanta pakallawaykutaj,

Apocalipsis 9:6

Chay p'unchaypi phinki phinkikunanejta ñak'arichisqa runakuna wañuyta mask'anqanku, manataj wañuyta atenqankuchu. Wañuyta munanqanku chaypis, wañoyqa paykunamanta ayqenqa.