Oseas 10:4 - DIOSPA QHELQACHISQ

⁴ Paykuna parlallanku, yanqhallata imatapis ninku, tiluspa trato ruwasqankutapis p'akillanku. Chayrayku paykunapaj Diospa justician surk'u chawpipi wiñaj jaya qhora jina kanqa.

Qheshwa Biblia DC

⁴ Paykunaqa parlanku, parlallankupuni, falsosta prometenku tratosninkumampis sutinkuta qelqaykunku; juicionqa wañuchikoj qhora jina kanqa chay campo chajras surk'usnejpi wiñarin jinata.

DIOSPA QHELQACHISQAN DEUTEROCANONICAL

⁴ Paykuna parlallanku, yanqhallata imatapis ninku, tiluspa trato ruwasqankutapis p'akillanku. Chayrayku paykunapaj Diospa justician surk'u chawpipi wiñaj jaya qhora jina kanqa.

Oseas 10:4 ပူးပေါင်းရင်းမြစ်များ

Isaías 5:7

Tukuy Atiyniyoj Tata Diospa uva huertanqa Israelmin. Judá suyupi runakunataj may munasqa uva sach'anmin kanku. Tata Diosqa israelitakuna justiciata ruwanankuta suyarqa. Aswanpis runa wañuchinakuyllata tarin. Payqa tukuy imapis cheqan kananta suyarqa. Aswanpis nanaywan qhapariyllata uyarin.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

Amós 5:7

Ay, qankunamanta, justiciata ñak'arinaman tukuchejkuna, pikunachus cheqan kajta ruwanata pampaman wijch'ojkuna.

Amós 6:12

Caballokuna atinkumanchu chhankata wichariyta? Atinmanchu pipis mama qochapi yuntawan llank'ayta? Qankunarí justiciata wañunaman tukuchinkichej, justiciaj ruwasqantataj jayaman tukuchinkichej.

Hechos 8:23

Noqarí sut'ita reparayki envidiawan junt'a kasqaykita, juchaj jarap'asqantaj, nispa.

Romanos 1:31

Jinallataj kanku wampukuna, nisqankuta mana junt'ajkuna, mana munakuyniyojkuna, mana khuyakuyniyojkunataj.

Deuteronomio 29:18

18 (17) Qankuna ukhupi qhari, warmi, wasi ayllu, chayrí ima ayllupis Tata Diosninchejta qhesachaspa, chay suyukunaj diosninkukunata yupaychaj ama kachunchu. Pikunachus jinata ruwajkunaqa jaya qhora jina, chayrí venenoyoj qhora jina kankuman.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

2 Timoteo 3:3

Kallanqankutaj mana sonqoyojkuna, rumi sonqo, qhasimanta tumpajkuna, sonqonkoj munasqanta mana atipayta atejkuna, mana khuyarispa millayta ruwajkuna, allin kajta chejnejkuna ima.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.